U Francyi vypuścili mabilnuju prahramu na vypadak teraktaŭ
Napiaredadni futbolnaha turniru Jeŭra-2016 francuzski ŭrad vypuściŭ prahramu dla mabilnaha telefona pad nazvaj SAIP, jakaja pavinna papiaredzić hramadskaść u vypadku niebiaśpieki terarystyčnaha napadu.
Va ŭradzie kažuć, što prahrama była raspracavanaja paśla listapadaŭskich teraktaŭ u Paryžy, achviarami jakich stali 130 čałaviek.
U aŭtorak brytanski MZS papiaredziŭ brytanskich hramadzian ab imaviernaści napadaŭ padčas matčaŭ čempijanatu Jeŭropy ŭ Francyi. Pavodle dadzienych Foryn-ofisa, patencyjalnymi abjektami napadaŭ padčas futbolnaha turniru źjaŭlajucca stadyjony, fan-zony i transpartnyja vuzły.
Karystalniki zmohuć padpisacca na atrymańnie papiaredžańniaŭ ab niebiaśpiecy ŭ roznych hieahrafičnych zonach — ahulnam da vaśmi, nie ličačy biahučaha miescaznachodžańnia.
U abviestcy budzie dadzienaje karotkaje apisańnie taho, što zdaryłasia, a taksama rekamiendacyi, jak zastavacca ŭ biaśpiecy.
Urad padkreślivaje, što kanfidencyjnaść karystalnikaŭ budzie abaroniena.
U ciapierašni čas raspracoŭvajucca i inšyja viersii prahramy, jakija dazvolać papiaredžvać karystalnikaŭ ab nadzvyčajnych situacyjach inšaha rodu — takich jak pavodki i technahiennyja avaryi.
Prahrama dastupnaja dla zahruzki na smartfony, jakija pracujuć pad apieracyjnymi sistemami IOS i Android.
Kamientary