Žalezny čałaviek: brytaniec paśla avaryi atrymaŭ ruku, raspracavanuju dyzajnieram śpiecefiektaŭ
Brytaniec staŭ žyvym dokazam taho, što fantastyčnyja siužety filmaŭ i kamputarnych hulniaŭ mohuć uvasablacca ŭ realnaści. Jak piša TJournal sa spasyłkaj na The Daily Mail, Džejms Janh straciŭ ruku ŭ avaryi, ale zamiest prateza atrymaŭ bijaničnuju ruku.
Technałahičnuju ruku, jak u hieroja kampjutarnaj hulni, Džejmsu raspracavaŭ śpiecyjalist pa śpiecefiektach. Važyć futurystyčny pratez niamała — 4,7 kh.
Paśla niaščasnaha vypadku ŭ 2012 hodzie Džejmsu amputavali ruku i častku nahi. Brytaniec nie hublaŭ aptymizmu i praź niejki čas vyrašyŭ uziać udzieł u ekśpierymientalnaj prahramie ad kampanii Konami, jakaja zajmajecca raspracoŭkaj videahulniaŭ. Pradstaŭniki Konami jak raz šukali prydatnaha čałavieka dla stvareńnia bijaničnaha prateza. Natchnilisia stvaralniki navinki kampjutarnaj hulnioj Metal Gear Solid V: The Phantom Pain. Taksama nad vyrabam prateza pracavała kampanija Open Bionics.
Brytaniec staŭ hierojem dakumientalnaha filma BBC3, u jakim pakazaŭ, jak pracuje jaho novaja ruka, i raspavioŭ, što ŭ jaje ŭbudavany hadzińnik, łaziernaja padśvietka i USB-port dla zaradki telefona, a na plačo macujecca nievialiki dron. Bijaničnaja kaniečnaść umieje raspaznavać ciahlicavyja sihnały z dapamohaj datčykaŭ, prymacavanych da skury Janha, i pracuje ad akumulatara.
Niahledziačy na ŭsie pieravahi bijaničnaj kaniečnaści, Janh nie moža nasić jaje pastajanna: ruku davodzicca zdymać u dušy, na čas snu, a taksama dla taho, kab adpačyć ad jaje vahi. Akramia taho, ruce pieryjadyčna patrabujecca karekciroŭka naład, bo heta pratatyp.
Pa słovach dyrektara Edynburhskaha centra robatatechniki, technałohija tak chutka raźvivajecca, a košt paŭzie ŭniz dziakujučy 3D-druku, što rabatyzavanyja kaniečnaści mohuć stać šyroka dastupnymi ŭžo na praciahu bližejšych niekalkich hadoŭ.
Kamientary