Viadučyja niamieckija spartoŭcy zapatrabavali nie dapuskać kamandu Rasii da ŭdziełu ŭ letniaj Alimpijadzie 2016 hoda ŭ Rya-de-Žaniejra. Takim čynam jany adreahavali na novyja vykryćci vypadkaŭ vykarystańnia dopinhu ŭ RF pry padtrymcy dziaržavy, a taksama ab zamienie dopinh-probaŭ padčas zimovych Hulniaŭ-2014 u Sočy, piša Deutsche Welle.
«Ja vystupaju za toje, kab nivodzin z rasiejcaŭ nie moh uziać udzieł u AH-2016. Mahčyma, adzin raz treba pastupić tak rezka, kab heta padziejničała efiektyŭna», — zajaviŭ u subotu 14 maja haziecie Bild łyžnik Fieliks Nojrajter (Felix Neureuther).
U takim ža klučy vykazalisia taksama bijatłanist Eryk Leser (Erik Lesser), barec hreka-rymskaha stylu Frank Štebler (Franks Stäbler) i dvuchrazovy čempijon Alimpijady pa chakiei na travie Moryc Fiurste (Moritz Fürste). Pry hetym kidalnik dyska Robert Chartynh (Robert Harting) miarkuje, što atlety znoŭ patrapili ŭ «durnuju situacyju», bo jany nie mohuć raźličvać na kampiensacyju pryčynienaj im škody. Himnast Marsel Nhujen (Marcel Nguyen) miarkuje, što «adchileńnie cełaj krainy zakranie mnohich nievinavatych spartoŭcaŭ».
Raniej z zaklikam adchilić RF ad Alimpijady-2016 vystupili niamieckija spartyŭnyja funkcyjaniery.
Były kiraŭnik maskoŭskaj antydopinhavaj łabaratoryi Ryhor Rodčankaŭ 13 maja raspavioŭ pra ŭžyvańnie dopinhu rasiejskimi spartoŭcami i zaklikaŭ Suśvietnaje antydopinhavaje ahienctva rasśledavać šerah vypadkaŭ. Pry hetym jon zajaviŭ, što źjaŭlajecca adzinym čałaviekam, jaki moža pakazać, jakija mienavita ŭzory byli padmienienyja. Rodčankaŭ vykazaŭ žadańnie prysutničać pry praviercy prob i prapanavaŭ zdymać praces na kamieru, kab zrabić jaho «adkrytym dla hramadskaści».
Kamientary