Arkiestr Maryinskaha teatra pad kiraŭnictvam Valeryja Hierhijeva pravioŭ kancert na ruinach siryjskaj Palmiry.
Simfaničny arkiestr, u składzie jakoha vystupiŭ i vijałančelist Siarhiej Rałduhin, syhraŭ na placoŭcy staražytnaha amfiteatra.
U sakaviku Palmira była vyzvalena ad bajevikoŭ ekstremisckaj hrupoŭki «Isłamskaja dziaržava» siryjskimi ŭzbrojenymi siłami pry padtrymcy rasijskaj avijacyi.
Dyryžor i mastacki kiraŭnik Maryinki Valeryj Hierhijeŭ — aktyŭny prychilnik prezidenta Uładzimira Pucina. U 2012 hodzie jon vystupaŭ davieranaj asobaj Pucina ŭ chodzie prezidenckaj kampanii, a ŭ 2014-m padpisaŭ zvarot dziejačaŭ kultury ŭ padtrymku źniešniaj palityki prezidenta na Ukrainie.
U žniŭni 2008 hoda Hierhijeŭ dyryžyravaŭ arkiestram na fonie Doma ŭrada Paŭdniovaj Asiecii, jakaja adkałołasia ad Hruzii.
Siarhiej Rałduhin viadomy jak daŭni siabar prezidenta i chrosny baćka jaho starejšaj dački. Jaho imia zhadvajecca ŭ materyjałach Mižnarodnaha kansorcyuma žurnalistaŭ-śledčych (ICIJ), zhodna ź jakimi Rałduhin vałodaje dźviuma afšornymi kampanijami, jakija pravodzili sumnieŭnyja ŭhody.
Sam Uładzimir Pucin vysoka acaniŭ akcyju Maryinskaha teatra, vykazaŭšy padziaku muzykam pa videasuviazi sa svajoj sočynskaj rezidencyi.
«Viedaju, što siońniašniaja akcyja spałučanaja dla ŭsich jaje ŭdzielnikaŭ ź vialikimi pobytavymi niazručnaściami i niebiaśpiekaj znachodžańnia ŭ vajujučaj krainie, dy jašče i pry niepasrednaj blizkaści ad bieśpierapynnych bajavych dziejańniaŭ», — cytuje Pucina «Interfaks».
Kamientary