Ułady Saudaŭskaj Aravii ŭchvalili płan ekanamičnych reformaŭ, jaki pavinien dapamahčy krainie pazbavicca ad zaležnaści ad naftavych dachodaŭ.
Płan atrymaŭ nazvu Saudi Vision 2030. Jon ujaŭlaje ź siabie prahramu dziejańniaŭ na bližejšyja hady, jakija dapamohuć dyviersifikavać ekanomiku krainy.
Prahrama praduhledžvaje stvareńnie suvierennaha fondu na sumu ŭ 2 trłn dalaraŭ, paviedamiŭ namieśnik naślednaha prynca krainy Muchamad ibn Sałman.
Taksama płan praduhledžvaje praviadzieńnie pryvatyzacyi, skaračeńnie subsidyj i prodaž 5% dziaržaŭnaj naftavaj kampanii Aramco, vyručka ad jakoj i pojdzie na stvareńnie fondu.
Jak raspavioŭ Muchamad ibn Sałman u intervju telekanału «Al-Arabija», stvareńnie suvierennaha fondu zaklikana pieratvaryć najbujniejšaha eksparciora nafty ŭ hłabalnuju inviestycyjnuju dziaržavu.
Pa słovach Sałmana, da 2020 hoda ekanomika Saudaŭskaj Aravii naohuł nie budzie zaležać ad nafty. Ciapier kraina atrymlivaje kala 80% svaich dachodaŭ ad prodažu resursu.
Ciapier čytajuć
«A 4‑j hadzinie nočy my zrazumieli, što sierviery prosta vyčyščanyja». Jarasłaŭ Ivaniuk raskazaŭ padrabiaznaści pra ataku na anłajn-biblijateku «Kamunikat»1111
Kamientary