Karotkametražny film, źniaty režysioram ź Irlandyi, stvaraŭsia ŭ Prypiaci, usiaho za niekalki kilametraŭ ad čarnobylskaha reaktara. Realistyčny anturaž, praŭdzivaść historyi — redki hladač zastaniecca abyjakavy: na prahladzie mnohija nia zdoleli strymać ślozy.
«Dźviery» («The Door») — debiutnaja kina‑režyserskaja praca viadomaj pradusarki j aktorki ź Irlandyi Chuanity Ŭiłsan (Juanita Wilson).
U asnovu siužeta pakładzieny «Manaloh pra cełaje žyćcio, napisany na dźviarach» — realnaja historyja z knihi «Čarnobylskaja malitva» Śviatłany Aleksijevič.
Hieroj stužki — Nikałaj Kałuhin, u jakoha ad radyjacyi pamiraje dačka. Kab pachavać dziaŭčynku pavodle siamiejnaj tradycyi — na dźviarach rodnaj chaty — hieroj adpraŭlajecca ŭ Čarnobylskuju zonu…
Roli vykonvajuć biełaruskija aktory Ihar Sihaŭ (Teatar biełaruskaj dramaturhii) i Džuljeta Kazakievič‑Hierynh (Maskoŭski teatar «Škoła sučasnaj pjesy»).
Karotkametražny film, źniaty na kinastužku, stvaraŭsia ŭ Prypiaci, usiaho za niekalki kilametraŭ ad čarnobylskaha reaktara. Realistyčny anturaž, praŭdzivaść historyi — redki hladač zastaniecca abyjakavy: na prahladzie mnohija nia zdoleli strymać ślozy.
Chuanita Ŭiłsan spadziajecca, što film ubačyć šyrokaja aŭdytoryja ŭ Biełarusi — praz raspaŭsiud, albo navat pa telebačańni. Historyja z «Čarnobylskaj malitvy» zachapiła jaje jašče 3 hady tamu. Ciapier, kali film hatovy, jana adčuvaje palohku.
U Miensku, u atačeńni aktoraŭ, joj vidavočna kamfortna. «Razumiejecie, režyser karystajecca kudy vialikšaj luboŭju zdymačnaj hrupy, čym pradusar», — śmiajecca sp-nia Ŭiłsan.
Chuanita Ŭiłsan na IMDb
Ciapier čytajuć
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary