Mitrapalit Pavieł prosić u vice-premjera Kačanavaj dazvoł na źniščeńnie histaryčnych damkoŭ u centry Minska FOTY
Druhim punktam Pavieł prosić pravieści demantaž hetych budynkaŭ biez uznaŭleńnia.
Sprava ŭ tym, što 11 sakavika padčas sustrečy Paŭła i Alaksandra Łukašenki abmiarkoŭvałasia pytańnie ab budaŭnictvie chrama Uvaskrasieńnia, a taksama administracyjnych budynkaŭ Biełaruskaha ekzarchata. Paŭstać jany musiać akurat na miescy hetych damkoŭ pa vulicy Vyzvaleńnia.
«Hetyja damki ŭjaŭlajuć horadabudaŭničuju kaštoŭnaść. Na praciahu apošnich 25 hadoŭ ich nichto nie dahladaŭ. Ich adsialili ŭ pracesie budaŭnictva minskaha mietro.
Try budynki ŭjaŭlali pamiž saboj cikavy kompleks. Nie ŭjaŭlajuć histaryčnaj kaštoŭnaści? Ale paasobnyja budynki vakoł Notr-Dam de Pary nibyta taksama nie ŭjaŭlajuć nijakaj kaštoŭnaści, a razam stvarajuć niepaŭtorny ansambl. Hetak možna zrujnavać pałovu Ryma, kali iści takoj łohikaj. U Vilni pałovu damoŭ možna hrochnuć.
Prapadaje ansambl, prapadaje vulica. Raniej tak zrujnavali mastakoŭski budynak na vulicy Dzimitrava. Potym źniščyli ŭsiu vulicu Dzimitrava.
Kali tak padychodzić, to i Trajeckaje pradmieście niekali było ŭ padobnym vyhladzie. Dyk u tym i sens, što treba źbierahčy maštab, ansambl, płaniroŭku, zachavać asablivaści reljefu. Ich možna dychtoŭna adrestaŭravać, naviesić lichtary, pakryć dachoŭkaj, ustavić vokny. Tolki takoj łohikaj treba kiravacca.
Heta pravina najpierš Ministerstva kultury, jakoje nie parupiłasia za 25 hadoŭ zakansiervavać budynki, zakłaści rubierojdam. Atrymlivajecca, što de-fakta za stan budynkaŭ u nas nichto adkaznaści nie niasie.
Ciapier ža pra hetyja abjekty mitrapalit Pavieł, hramadzianin Rasii, pahavaryŭ asabista z Łukašenkam. Faktyčna, jon atrymaŭ dazvoł na toje, kab hrochnuć damki i zrabić «jašče krasivše».
Anton Astapovič u fejsbuku paviedamiŭ, što rychtuje zvarot na imia Natalli Kačanavaj, kopii buduć nakiravanyja ŭ kantralujučyja orhany, a taksama ŭ Biełaruski ekzarchat.
Ciapier čytajuć
Byłoha vajskoŭca z Bresta, jaki viarnuŭsia z Polščy, abvinavacili ŭ «teraryźmie» i adpravili ŭ kałoniju6
Kamientary