Ivaščanka: «Častku premii vyrašyŭ pieradać siamji Alesia Jurkojcia»
Padčas cyrymonii ŭručeńnia premii «Debiut» imia Maksima Bahdanoviča Anatol Ivaščanka abviaściŭ pra svajo rašeńnie padtrymać siamju Alesia Jurkojcia.
«Niehałosny zbor srodkaŭ na dapamohu Alesiu idzie ŭžo daŭno. Jon ciapier znachodzicca ŭ składanym stanoviščy, kolki jano praciahniecca – nie viedaje nichto. – patłumačyŭ svoj učynak Anatol Ivaščanka. – Siamja, troje dziaciej hadujucca biez haspadara. Varta padtrymać čałavieka, jaki stolki hod žyćcia addaŭ biełaruščynie, u tym liku papularyzacyi biełaruskaj litaratury na Astravieččynie».
Nahadajem, učora Anatol Ivaščanka staŭ łaŭreatam premii «Debiut» imia M. Bahdanoviča u naminacyi «Proza» za knihu «Anatałohija». Premija łaŭreatu składaje 2000$ u rublovym ekvivalencie.
Padśledny «Vaładarki» i adzin ź fihurantaŭ pa spravie karupcyi na Ašmianskaj mytni, krajaznaŭca Aleś Jurkojć znachodzicca za kratami ad sakavika 2015 hoda.
Litaraturnaja premija «Debiut» imia Maksima Bahdanoviča zasnavanaja ŭ 2010 hodzie Biełaruskim PEN-centram, fondam «Viartańnie» i Sajuzam biełaruskich piśmieńnikaŭ. Uručajecca za debiutnuju knihu aŭtaram da 35 hadoŭ i dajecca za tvory ŭ žanrach, u jakich pracavaŭ Maksim Bahdanovič: paezija, proza, mastacki pierakład.
Chrysta Hrozieŭ: ad ramantyka-radyjoamatara da čałavieka, jaki vykryŭ samyja zmročnyja tajamnicy HRU i FSB. Jak jaho vierbavała śpiecsłužba Luksiemburha i jak jon vymušany chavacca ciapier
Kamientary