Asnoŭnaja dola ŭsich parušeńniaŭ zakona ŭ Rasii prypadaje na parušeńnie kanstytucyjnych pravoŭ i svabod hramadzian, paviedamiŭ prezident Rasii Uładzimir Pucin.
«Mienavita na hetuju śfieru prypadaje štohod zvyš za 60% usich parušeńniaŭ zakona», — cytuje Interfaksvystup Pucina na kalehii hienprakuratury ŭ sieradu.
«Orhanami prakuratury ŭ 2015 hodzie było vyjaŭlena 3,2 młn parušeńniaŭ pravoŭ i svabod hramadzian», — adznačyŭ jon.
Pucin taksama asabliva adznačyŭ nieabchodnaść zabiaśpiečyć zachavańnie pravoŭ źniavolenych.
«Razam z kalehami z FSVP, a taksama pradstaŭnikami pravaabarončych arhanizacyj prakurory abaviazanyja asabista sačyć za ŭmovami, u jakich akazvajucca ludzi, pazbaŭlenyja svabody, i damahacca, kab tam dziejničali sučasnyja standarty ŭtrymańnia i miedycynskaha zabieśpiačeńnia», — zajaviŭ jon.
U minułym miesiacy rasiejski Viarchoŭny sud zajaviŭ, što kolkaść skarhaŭ, padadzienych suprać Rasii ŭ Jeŭrapiejski sud pa pravach čałavieka (JESPČ), z 2013-ha hoda skaraciłasia ŭ dva razy.
Pa słovach staršyni Viarchoŭnaha suda Viačasłava Lebiedzieva, kolkaść zvarotaŭ źniziłasia z 12 tysiač da amal 6 tysiač.
Ciapier čytajuć
U Minsku kidajuć budavać treciuju liniju mietro ŭ Zialony Łuh. Usie siły pojduć na čaćviortuju, kalcavuju9
Kamientary