Viadomy ŭ minułym restler adsudziŭ $115 młn za publikacyju jaho intymnaha videa
Navinavy internet-resurs Gawker Media abaviazany vypłacić 115 miljonaŭ dalaraŭ viadomamu ŭ ZŠA eks-restleru i akcioru Chałku Chohanu za publikacyju bieź jaho zhody intymnaha videa. Pra heta abviaściła ŭ piatnicu paśla dvuchtydniovaha razboru žury prysiažnych u štacie Fłaryda.
Videa było raźmieščana ŭ internecie ŭ 2012 hodzie. Chohan padaŭ pazoŭ u sud na internet-resurs, zapatrabavaŭšy pakryćcia škody ŭ pamiery 100 miljonaŭ.
Jak padkreśliŭ advakat eks-restlera Kenet Turkiel, kiraŭnictva internet-resursu sa štab-kvateraj u Ńju-Jorku pieraśledvała karyślivyja mety i mieła namier nanieści škodu reputacyi viadomaha čałavieka.
«Jon bolš za 35 hadoŭ źjaŭlajecca akcioram i šoŭmenam», — skazaŭ juryst. Pavodle jaho słoŭ, košt Gawker Media uzros na 15 miljonaŭ dalaraŭ tolki za košt publikacyi videa z Chohanam.
Resurs navinaŭ śćviardžaŭ, što zarabiŭ na dadzienaj historyi ŭsiaho 11 tysiač. Abarona błoha navin źviarnuła ŭvahu na toje, što były restler u sieryi intervju i efirach nie chavajučysia kazaŭ pra videazapisy, takim čynam, jon nie kłapaciŭsia ab asabistaj reputacyi.
«Jon paśladoŭna vystaŭlaŭ svajo asabistaje žyćcio na pakaz šyrokaj publicy», — zajaviŭ advakat Majkł Salivan.
U dadzienym vypadku Gawker Media adstojvaŭ u sudzie svajo prava na svabodu słova i infarmacyi, a Chohan — prava na niedatykalnaść asabistaha žyćcia. Jaho dokazy prysiažnyja paličyli bolš pierakanaŭčymi.
Byłoha vajskoŭca z Bresta, jaki viarnuŭsia z Polščy, abvinavacili ŭ «teraryźmie» i adpravili ŭ kałoniju6
Kamientary