Z paniadziełka DAI budzie žorstka praviarać u kiroŭcaŭ techahlad: inśpiektaram dali dostup da bazy
Dekada «Dziaržtechahlad» projdzie ŭ respublicy z 21 pa 30 sakavika. U skład rejdavych hrup uvojduć supracoŭniki UP «Biełtechahlad» i Transpartnaj inśpiekcyi Mintransa, a taksama DAI.
U pieršuju čarhu buduć spyniać transpart biez dazvolnaj naklejki na vietravym škle. Kali vy jeździcie biez techahladu, rychtujciesia da štrafu ad adnoj da troch bazavych vieličyń pry pieršym na praciahu hoda parušeńni i ad dvuch da piaci — pry paŭtornym.
Asablivuju ŭvahu sioleta nadajuć praviercy sapraŭdnaści adznak u dakumientach. Za padrobku abo vykarystańnie padroblenych dakumientaŭ, štampaŭ, piačatak praduhledžanaja kryminalnaja adkaznaść až da pazbaŭleńnia voli.
«Na žal, kolkaść padrobnych adznak uzrastaje, — kaža načalnik upraŭleńnia arhanizacyi dziaržtechahladu UP «Biełtechahlad» Jaŭhien Karpovič. — Na čas sumiesnych pravierak budzie arhanizavany apieratyŭny dostup inśpiektaraŭ DAI da našych elektronnych baz. Potym jaho adklučać, ale supracoŭniki DAI zmohuć apieratyŭna atrymać nieabchodnuju infarmacyju ad našych dziažurnych śpiecyjalistaŭ pa telefonie».
Jaŭhien Karpovič raspavioŭ, što ŭžo viadziecca praca pa arhanizacyi pastajannaha dostupu ŭsich supracoŭnikaŭ MUS da bazy UP «Biełtechahlad».
«My ŭžo zakupili nieabchodnaje abstalavańnie, sierviery. Praca budzie zavieršanaja kali nie ŭ hetym hodzie, to ŭ nastupnym — dakładna».
Ciapier čytajuć
Vyzvaleny palitviazień Mikita Jemialjanaŭ, jakoha aryštavali jašče ŭ 2019 hodzie, 19‑hadovym5
Vyzvaleny palitviazień Mikita Jemialjanaŭ, jakoha aryštavali jašče ŭ 2019 hodzie, 19‑hadovym
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary