Apieratyŭnikami Centralnaha RUUS Minska zatrymana hrupa maładych ludziej: čatyry chłopcy i dziaŭčyna, jakija padazrajucca va ŭčynieńni rabavańnia i razboju.
Jak paviedamili ŭ rajonnym upraŭleńni ŭnutranych spraŭ, padčas praviadzieńnia apieratyŭna-vyšukovych mierapryjemstvaŭ była ŭstanoŭlena złačynnaja schiema, pa jakoj dziejničali zatrymanyja. Dziaŭčynu maładyja ludzi vykarystoŭvali ŭ jakaści «prynady». 16-hadovaja navučenka adnaho z prafiesijna-techničnych vučylišč stalicy rehistravałasia na sajcie znajomstvaŭ pad čužymi dadzienymi, nie nazyvajučy svoj sapraŭdny ŭzrost. Paśla taho jak jana atrymlivała prapanovy ad mužčyn pra asabistaje znajomstva, jana zhadžałasia.
Miescam sustrečy dziaŭčyna zvyčajna vybirała terytoryju kala handlovych ab`iektaŭ, raźmieščanych u Centralnym rajonie. Na prapanovy schadzić u kaviarniu adkazvała admovaj, zaprašała zajści da jaje ŭ hości, kažučy, što žyvie niedaloka ad miesca sustrečy i jaje baćki znachodziacca na adpačynku ŭ Bałharyi.
Paśla taho jak dziaŭčyna zavodziła mužčyn u biaźludnaje miesca, ich dahaniała ahresiŭna nastrojenaja kampanija maładych ludziej. Jany źbivali mužčynu i zabirali jaho majomaść. Akramia taho, chłopcy pierakonvali mužčynu, što dziaŭčyna ź`iaŭlajecca niepaŭnaletniaj, rabili vyhlad, što zdymajuć jaho na kamieru mabilnaha telefona. U adras mužčyny taksama hučali pahrozy, što, u vypadku kali jon źvierniecca ŭ milicyju, dziaŭčyna napiša zajavu i jon budzie pryciahnuty da kryminalnaj adkaznaści za intymnyja adnosiny ź niepaŭnaletniaj.
Adzin z takich napadaŭ adbyŭsia na vulicy Cichaj (elitny pasiołak na vyjeździe ź Minska ŭ rajonie praśpiekta Pieramožcaŭ). Tudy dziaŭčyna zaviała mužčynu, ź jakim paznajomiłasia napiaredadni ŭ internecie. Kali jany špacyravali pa biaźludnaj vulicy, hrupa maładych ludziej napała na mužčynu, pačała jaho źbivać. U jaho zabrali mabilny telefon i hrošy. Paśla maładyja ludzi syšli. Adzin ź ich udaryŭ mužčynu mietaličnym łancuhom pa hałavie. Mužčyna dabraŭsia da praśpiekta Pieramožcaŭ, dzie jaho ŭbačyli vajennasłužačyja v/č 5448, jakija vyklikali chutkuju i milicyju.
Jak paviedamiŭ namieśnik načalnika Centralnaha RUUS stalicy Alaksandr Pracharenka, supracoŭnikami kryminalnaha vyšuku ŭ vyniku praviadzieńnia śpiecapieracyi byli ŭstanoŭleny i zatrymany padazravanyja — dziaŭčyna i čaćviora chłopcaŭ, usie jany nie ź`iaŭlajucca žycharami Centralnaha rajona. Siaredni ŭzrost zatrymanych 17 hadoŭ, samamu małodšamu — 14.
Apošnim byŭ aryštavany arhanizatar złačynstvaŭ, jaki chavaŭsia i nie prychodziŭ dadomu navat pieranačavać.
Usie ŭdzielniki złačynnaj hrupy buduć pryciahnuty da kryminalnaj adkaznaści, bo ŭ adpaviednaści ź dziejnym zakanadaŭstvam za ŭčynieńnie rabavańnia i razboju adkaznaść nastupaje z 14 hadoŭ.
Ciapier čytajuć
Siamju ź dziciom nie puścili jeści ŭnutry kaviarni picu navynas. «Haraž» apraŭdvajecca, internet spračajecca9
Siamju ź dziciom nie puścili jeści ŭnutry kaviarni picu navynas. «Haraž» apraŭdvajecca, internet spračajecca
Biełaruskija abrady, arnamienty i biełaruskaja mova paŭsiul. Jak naščadak pierasialencaŭ zrabiŭ siało kala Bajkała znoŭ biełaruskim, i čamu heta moža chutka skončycca1414
Kamientary