Dla cyvilnych i vajskovych. U Biełarusi ŭstanavili minimumy bałaŭ pa CT-2016

Pastanovaj Ministerstva adukacyi №11 ustalavany «nižnija parohavyja» bały CT u 2016 hodzie. Hetyja parohi druhi hod zapar dyfierencyjavanyja adnosna ŭzroŭniu viedaŭ abituryjentaŭ pa navučalnych pradmietach, adpaviednym profilnym vyprabavańniam — pieršamu i druhomu, a taksama dzielacca u zaležnaści ad taho, u hramadzianski abo «vajskovy» VNU źbirajecca padavać dakumienty abituryjent, i navat - na jakuju śpiecyjalnaść.

Pavialičyć

Dla abituryjentaŭ, jakija pastupajuć na nie źviazanuju ź fiłałohijaj abo linhvistykaj śpiecyjalnaść, pry zdačy CT pa biełaruskaj abo ruskaj movach — minimumam «prachadnych» bałaŭ stanie 10, ad 0 da 9 bałaŭ (uklučna) ličacca niezdavalniajučymi adznakami;

pa śpiecyjalnaściach «Biełaruskaja mova i litaratura», «Ruskaja mova i litaratura», «Biełaruskaja mova i litaratura. Zamiežnaja mova (z ukazańniem movy)», «Ruskaja mova i litaratura. Zamiežnaja mova (z ukazańniem movy)», «Biełaruskaja fiłałohija (pa napramkach)», «Ruskaja fiłałohija (pa napramkach)», «Słavianskaja fiłałohija» — adznaki ad 0 da 19 bałaŭ (uklučna);

Pa pieršym pradmiecie profilnaha ispytu «Matematyka», «Fizika», «Chimija», «Bijałohija» niezdavalniajučyja adznaki pa paraŭnańni ź minułym hodam nie źmianilisia — ad 0 da 14 bałaŭ (uklučna);

pa pradmietach «Historyja Biełarusi», «Suśvietnaja historyja (najnoŭšy čas)», «Hramadaznaŭstva», «Hieahrafija», «Zamiežnyja movy (anhlijskaja, niamieckaja, francuzskaja, ispanski, kitajski)» - ad 0 da 19 bałaŭ (uklučna).

Pa druhim pradmiecie profilnaha ispytu «Matematyka», «Fizika», «Chimija», «Bijałohija» - adznaki ad 0 da 9 bałaŭ (uklučna);

pa pradmietach «Historyja Biełarusi», «Suśvietnaja historyja (najnoŭšy čas)», «Hieahrafija», «Zamiežnyja movy (anhlijskaja, niamieckaja, francuzskaja, ispanskaja, kitajskaja)» — adznaki ad 0 da 14 bałaŭ (uklučna).

Dla asobnych katehoryj abituryjentaŭ paroh niezdavalniajučych adznak tradycyjna nižejšy.

Naprykład, pry zdačy CT tym, chto choča pastupać u VNU Minabarony, MNS, Dziaržpahrankamiteta, MUS (na biudžetnyja miescy pry niedabory), na vajskovyja fakultety astatnich VNU ci na śpiecyjalnaści «Vytvorčaść, zachoŭvańnie i pierapracoŭka pradukcyi raślinavodstva», «Žyviołahadoŭla. Rybavodstva. Pčałavodstva», «sielskaje budaŭnictva i ŭładkavańnie terytoryj», «mielijaracyja i vodnaja haspadarka», «Ahrainžynier», dastatkova nabrać pa takich vučebnych pradmietach, jak biełaruskaja mova, ruskaja mova, matematyka, fizika, chimija, bijałohija, historyja Biełarusi, suśvietnaja historyja (najnoŭšy čas), hramadaznaŭstva, hieahrafija, zamiežnyja movy (anhlijskaja, niamieckaja, francuzskaja, ispanskaja, kitajskaja), ad 0 da 4 bałaŭ ŭklučna.

U Biełarusi ŭžo zaćvierdžany hrafik centralizavanaha testavańnia. Pieršy test abituryjenty zdajuć 13 červienia pa biełaruskaj movie i 14 červienia - pa ruskaj movie.

• 0
• 0
• 0
• 0
• 0
• 0
• 0
• 0