U studzieni stanoŭčaje salda źniešniaha handlu tavarami ŭ Minsku skłała kala 175 młn. dołaraŭ
Stanoŭčaje salda źniešniaha handlu tavarami ŭ Minsku za studzień 2016 hoda skłała 174,8 młn. dołaraŭ ZŠA. Za studzień 2015 hoda salda było taksama stanoŭčym — 206 młn. dołaraŭ.
Jak paviedamiła hałoŭnaje statystyčnaje ŭpraŭleńnie stalicy, źniešniehandlovy abarot tavarami skłaŭ 1 młrd. 208,4 młn. dołaraŭ, što na 12,4% mienš, čym u studzieni 2015-ha. Ekspart za hod skaraciŭsia na 12,8% (da 691,6 młn. dołaraŭ), impart — na 12% (da 516,8 młn. dołaraŭ).
Ekspart tavaraŭ u krainy SND u studzieni 2016 hoda źmienšyŭsia na 4,1% (da 276,8 młn. dołaraŭ), impart — na 2,6% (da 283,6 młn. dołaraŭ). Ahulny tavaraabarot z krainami SND skaraciŭsia na 3,3% (da 560,4 młn. dołaraŭ). Admoŭnaje salda ŭ handli z krainami SND skłała 6,8 młn. dołaraŭ. U studzieni 2015 hoda admoŭnaje salda z SND składała 2,4 młn. dołaraŭ.
Ekspart tavaraŭ u Rasieju za pieršy miesiac hetaha hoda źniziŭsia na 24,8% da 118,9 młn. dołaraŭ, impart — na 4,7% da 251,4 młn. Salda, jak i ŭ studzieni 2015 hoda, było admoŭnym — 132,5 młn. i 105,7 młn. dołaraŭ adpaviedna. Ahulny tavaraabarot z Rasijaj aceńvajecca ŭ 370,3 młn. dołaraŭ (na 12,3% mienš).
Ekspart u krainy Jeŭrapiejskaha sajuza skaraciŭsia na 3,3% da 4 młrd. 982,1 młn. dołaraŭ, impart — na 16,4% da 106,6 młn. dołaraŭ. Tavaraabarot źniziŭsia na 20,1% da 482,3 młn. dołaraŭ. Salda handlu tavarami z krainami ES u studzieni 2016 hoda skłałasia stanoŭčym — 269,1 młn. dołaraŭ (u studzieni 2015-ha — 348,5 młn.).
«A 4‑j hadzinie nočy my zrazumieli, što sierviery prosta vyčyščanyja». Jarasłaŭ Ivaniuk raskazaŭ padrabiaznaści pra ataku na anłajn-biblijateku «Kamunikat»99
Kamientary