U rezanansnych zajavach pra «vorahaŭ naroda» kiraŭnik Čačni Ramzan Kadyraŭ mieŭ na ŭvazie tych apazicyjanieraŭ, jakija pakinuli Rasiju i ich pasłuhačoŭ unutry krainy. Jon nazvaŭ ich «dušeŭnachvorymi».
Kiraŭnik Čačni Ramzan Kadyraŭ patłumačyŭ, kaho jon mieŭ na ŭvazie ŭ rezanansnych zajavach ab pazasistemnaj apazicyi ŭ Rasii.
«Ja zrabiŭ ćviorduju zajavu ab tych, chto źjechaŭ z Rasii i adtul palivaje brudam i paklopničaje na našu krainu. Jany pahražajuć Rasii, jeździać u ZŠA, stalicy krain Jeŭropy, padkazvajuć, jakija ŭvieści sankcyi, kab padarvać ekanomiku, biaśpieku, stabilnaść Rasii. Mienavita ich i ich pasłuhačoŭ ŭnutry krainy ja mieŭ na ŭvazie, kažučy ab pryciahnieńni da adkaznaści pazasistemnaj apazicyi», — napisaŭ Kadyraŭ u svaim Instagram.
Pavodle jaho słoŭ, razmova nie išła ab zakonnaj apazicyi, što «padymaje sacyjalnyja, ekanamičnyja prablemy, pytańni ŽKH i inšyja!» Kadyraŭ taksama zajaviŭ, što «sapraŭdnyja vorahi Rasii», a taksama tyja, chto ich padtrymlivaje, adrazu ž «zaśviacilisia».
Kiraŭnik Čačni vykazaŭ ździŭleńnie rezkaj reakcyjaj ŭpaŭnavažanaha pa pravach čałavieka Rasii Eły Pamfiłavaj na jaho zajavy.
«Dumaju, što Eła Alaksandraŭna zališnie paśpiašałasia. Ja asabista hetych ludziej, jakija viečna hladziać u bok Zachadu, nie liču častkaj našaha hramadstva. Jany adrazu ž pačali rabić hučnyja zajavy ab pahrozach i inšaje. Skažu ščyra, ja nie pahražaŭ!», — napisaŭ Kadyraŭ.
Pavodle jaho słoŭ, Kadyraŭ paprasiŭ kiraŭnikoŭ Hudermieskaha i Ačchoj-Martanaŭskaha rajonaŭ padrychtavać u miascovych psichijatryčnych balnicach VIP-miescy.
«Kali spatrebicca ŭmiašańnie psichijatraŭ, my hatovyja dać, tym, chto škodzić Rasii, dastojnyja pałaty i daśviedčanych daktaroŭ», - reziumavaŭ jon.
U vice-śpikierki Kaardynacyjnaj rady Lizaviety Prakopčyk sabrałasia $12 tysiač daŭhoŭ106
Kamientary