U Biełarusi na bazie ahulnadziaržaŭnaj aŭtamatyzavanaj infarmacyjnaj sistemy stvorany adziny partał finansavaha rynku (APFR).
Novy resurs ź`iaviŭsia «z metaj arhanizacyi infarmacyjnaha zabieśpiačeńnia ŭdzielnikaŭ finansavaha rynku, u tym liku rynku kaštoŭnych papier», paviedamlaje Ministerstva finansaŭ.
Znajści APFR u internecie možna pa nastupnym šlachu: www.portal.gov.by — raździeł «Elektronnyja pasłuhi» — typy pasłuh «Ministerstva finansaŭ» — Adziny partał finansavaha rynku.
Partał pryznačany dla daniasieńnia važnaj infarmacyi finansavaha rynku Biełarusi da nieabmiežavanaha koła asob.
APFR źmiaščaje raździeł «Rynak kaštoŭnych papier», jaki vykonvaje funkcyi adzinaha infarmacyjnaha resursu rynku kaštoŭnych papier. Jaho stvareńnie praduhledžana zakonam ad 5 studzienia 2015 hoda «Ab rynku kaštoŭnych papier». Hety raździeł, pavodle infarmacyi Minfina, daje mahčymaść nie tolki atrymlivać infarmacyju ab funkcyjanavańni rynku kaštoŭnych papier, ale i raźmiaščać emitentam pieryjadyčnuju spravazdačnaść, infarmacyju ab istotnych faktach (padziejach, dziejańniach), jakija tyčacca finansava-haspadarčaj dziejnaści, i inšuju infarmacyju, praduhledžanuju zakanadaŭstvam ab kaštoŭnych papierach.
Na sajcie Ministerstva finansaŭ na staroncy departamienta pa kaštoŭnych papierach u raździele «Daviedačnaja infarmacyja» raźmieščany «Dapamožnik karystalnika (pastaŭščyk infarmacyi)», u jakim apisvajecca paradak dziejańniaŭ pastaŭščyka infarmacyi pry pracy z APFR. Akramia taho, jość «Dapamožnik karystalnika (spažyviec infarmacyi)», jakoje apisvaje paradak dziejańniaŭ spažyŭca infarmacyi pry pracy z APFR.
Kamientary