Biełaruskaja čyhunka ŭkaraniła novuju technałohiju nabyćcia elektronnych kvitkoŭ na sajcie poezd.rw.by, paviedamiła pres-słužba BČ.
Na sajcie źjaviŭsia šerah novaŭviadzieńniaŭ. U tym liku abnoŭleny interfiejs sajta, pašyrany funkcyjanał atrymańnia infarmacyi ab raskładzie ciahnikoŭ. Taksama źmianiłasia forma błanka elektronnaha prajaznoha dakumienta. Kožnamu nabytamu praź internet kvitku ciapier prysvojvajecca ŭnikalny 14-značny numar. Paśla apłaty elektronnaha prajaznoha dakumienta farmirujecca jaho błank, u jakim paznačany numar zamovy (14 znakaŭ) i numar elektronnaha prajaznoha dakumienta (14 znakaŭ). U vypadku kali ŭ zamovie adzin kvitok, numar zamovy i numar elektronnaha prajaznoha dakumienta supadajuć. Kali zamova aformlenaja na dvuch-čatyroch pasažyraŭ, numar zamovy i numar elektronnaha kvitka supadajuć tolki ŭ pieršaha pasažyra ŭ zamovie.
U vyniku ŭ pasažyraŭ źjaviłasia bolš mahčymaściaŭ kiravać svaimi zamovami. U novaj viersii sistemy prodažu zabiaśpiečanaja mahčymaść vykanańnia abo admieny elektronnaj rehistracyi ŭ asabistym kabiniecie (nie paźniej čym za 1 hadzinu da adpraŭleńnia z pačatkovaj stancyi maršrutu ruchu) jak adnačasova dla ŭsich zhadanych u zamovie pasažyraŭ, tak i asobna dla kožnaha ź ich. Pry hetym u błanku elektronnaha kvitka paznačajecca čas, da jakoha mahčymaja admiena elektronnaj rehistracyi.
Taksama ŭ asabistym kabiniecie źjaviłasia funkcyja stvareńnia novaj zmovy na padstavie raniej vykananaj. Aprača taho, na sajcie poezd.rw.by dabaŭleny raździeł «Skidki», u jakim možna aznajomicca sa skidkami na prajezd, što daje BČ.
Biełaruskaja čyhunka źviartaje ŭvahu na toje, što pasažyry, jakija aformili zamovy kvitkoŭ na sajcie da 8 śniežnia, ažyćciaŭlajuć elektronnuju rehistracyju pa raniej dziejnaj technałohii, forma błanka dla hetych zamovaŭ nie mianiajecca.
U bližejšaj pierśpiektyvie BČ płanuje dalejšaje ŭdaskanalvańnie technałohii nabyćcia elektronnych prajaznych dakumientaŭ. U tym liku płanujecca ŭkaranić funkcyju viartańnia elektronnych prajaznych dakumientaŭ na sajcie poezd.rw.by, a taksama pašyryć prymianieńnie pasłuhi afarmleńnia prajaznych dakumientaŭ praź internet u mižnarodnych znosinach z krainami Jeŭropy.
-
Cichanoŭskaja zaklikała Estoniju pravodzić roźnicu pamiž biełarusami i rasijanami
-
Anžalicy Mielnikavaj vydali pašpart prykryćcia na imia Anhieliny Radzivonavaj?
-
«Ja nie bomž, u mianie navat biełyja škarpetki». U Minsku dziaŭčyna z Łuhanska raskłała pałatku prosta ŭ padjeździe šmatpaviarchovika, ustryvožyŭšy žycharoŭ
Kamientary