Słužba biaśpieki Ukrainy daść svabodny dostup da dakumientaŭ savieckaha KDB, abviaściŭ kiraŭnik viedamstva Vasil Hrycak.
Jak raspavioŭ kiraŭnik SBU na bryfinhu, archivy Kamiteta dziaržaŭnaj biaśpieki SSSR nieŭzabavie buduć pieradadzienyja va Ukrainski instytut nacyjanalnaj pamiaci, dostup da ich budzie davacca i hramadzianam Ukrainy, i zamiežnikam.
«Dla Słužby biaśpieki Ukrainy praces dekamunizacyi źjaŭlajecca važnym etapam u ačyščeńni SBU ad reštkaŭ i spadčyny savieckaj karnaj sistemy», — cytuje Hrycaka ahienctva «Interfaks».
Jurydyčnaj padstavaj dla adkryćcia archivaŭ staŭ padpisany prezidentam Piatrom Parašenkam u traŭni «pakiet zakonaŭ pa dekamunizacyi», častkaj jakoha byŭ zakon «Ab dostupie da archivaŭ represiŭnych orhanaŭ kamunistyčnaha tatalitarnaha režymu 1917 — 1991 hadoŭ».
Jak paviedamiŭ Hrycak, SBU atrymlivaje vialikuju kolkaść zapytaŭ na archiŭnuju infarmacyju. «My praktyčna štodnia atrymlivajem vielmi šmat zvarotaŭ, jak ad hramadzian Ukrainy, tak ad hramadskich arhanizacyj i zamiežnikaŭ», — skazaŭ jon. Bolšaja častka zvarotaŭ pastupaje ad ludziej, jakija šukajuć ślady źnikłych abo represavanych svajakoŭ.
Zaraz u archivach SBU zachoŭvajecca kala 180 tysiač tamoŭ spraŭ, stvoranych pry savieckaj uładzie.
U 2009 hodzie ŭkrainskija ŭłady ŭžo raskryli častku archivaŭ savieckich śpiecsłužbaŭ.
Ciapier čytajuć
«Šmatpartyjnaść, pluralizm mierkavańniaŭ — heta brachnia, zachodniaja brachnia». Łukašenka razhladaje kanstytucyjnaje viartańnie da savieckaj sistemy74
«Šmatpartyjnaść, pluralizm mierkavańniaŭ — heta brachnia, zachodniaja brachnia». Łukašenka razhladaje kanstytucyjnaje viartańnie da savieckaj sistemy
«Dziaŭčyna niedzie praź siem siekund užo pikiravała bieź piłota». Siabar deltapłanierysta, jaki raźbiŭsia ŭ Stročycach, raskazaŭ, što pryviało da trahiedyi33
Kamientary