Jeŭrasajuz pavinien damahčysia ad Biełarusi surjoznych harantyj vykanańnia pravoŭ čałavieka da rašeńnia pa sankcyjach u lutym 2016 hoda. Ab hetym havorycca ŭ sumiesnym liście Mižnarodnaj fiederacyi pravoŭ čałavieka (FIDH) i zakrytaha biełaruskimi ŭładami pravaabarončaha centra «Viasna», jaki nakiravany ministram zamiežnych spraŭ krain ES.
«FIDH i jaje členskaja arhanizacyja ŭ Biełarusi — pravaabarončy centr «Viasna» — ličać, što, niahledziačy na niekatoryja pazityŭnyja tendencyi ŭ halinie pravoŭ čałavieka, što nazirajucca sa žniŭnia 2015 hoda, u cełym sistemnych źmianieńniaŭ, nakiravanych na palapšeńnie situacyi ŭ hetaj halinie, nie nazirajecca», — havorycca ŭ liście.
Pravaabaroncy zaklikajuć ES raspracavać stratehiju dla dasiahnieńnia klučavych metaŭ u halinie pravoŭ čałavieka ŭ Biełarusi da 28 lutaha 2016 hoda, kali Saviet ES pavinien pryniać rašeńnie ab adnaŭleńni, praciahu zamarožvańnia abo admienie abmiežavalnych mier adnosna Biełarusi.
«My ŭpeŭnienyja, što mienavita sistemnyja źmianieńni na ŭzroŭni zakanadaŭstva i pravaprymianialnaj praktyki buduć śviedčyć ab namiery ŭrada Biełarusi istotna palepšyć situacyju ŭ halinie abarony pravoŭ čałavieka ŭ krainie. Sistemnyja źmianieńni ŭ halinie pravoŭ čałavieka taksama najlepšaja harantyja ad mahčymaha rehresu, jaki nieadnarazova naziraŭsia raniej», — padkreślivajecca ŭ liście.
Ciapier čytajuć
62‑hadovaja biznesvumen i miljanierka Iryna Ciareščanka padzialiłasia historyjaj svajho kachańnia z mužčynam, na 20 hadoŭ małodšym za jaje6
Kamientary