U Paryž prybyvajuć lidary krain śvietu dla ŭdziełu ŭ Kanferencyi AAN pa źmienie klimatu FOTA
U Paryž u niadzielu prybyvać lidary krain śvietu dla ŭdziełu ŭ Kanferencyi AAN pa źmienie klimatu. Paryžski samit — najbujniejšy padobny forum ad časoŭ pryniaćcia Kijockaha pratakołu.
Premjer-ministr Kanady Žusten Trudo i prezident Francyi Fransua Aland sustrelisia ŭ Jelisiejskim pałacy ŭ Paryžy ŭ niadzielu, 29 listapada. Fota AP
Forum praciahniecca ŭ francuskaj stalicy z 30 listapada pa 11 śniežnia.
Čakajecca, što ŭsiaho ŭ Paryž u niadzielu i paniadziełak prybudzie bolš za 140 lideraŭ, u tym liku prezydent ZŠA Barak Abama, kancler Niamieččyny Anhieła Merkiel, prezydent Rasiei Ŭładzimir Pucin.
Hałoŭnaja tema abmierkavańnia — abjadnańnie namahańniaŭ dla zapavoleńnia źmienaŭ, vyklikanych hlabalnym paciapleńniem, u pryvatnaści — dasiahnieńnie kansensusu pa doŭhaterminovaj stratehii pa hetym pytańni.
Napiaredadni kanferencyi Biełaruś zajaviła, što padtrymlivaje kalektyŭnyja namahańni pa dasiahnieńniu asnoŭnaha aryjencira stahodździa — niedapuščeńnia pavyšeńnia siaredniesuśvietnaj temperatury bolš čym na 2 hradusy Celsija ŭ paraŭnańni z daindustryjalnym peryjadam. Biełaruś uziała na siabie abaviazacielstva zabiaśpiečyć da 2030 hodu skaračeńnie vykidaŭ parnikovych hazaŭ nia mienš čym na 28% ad uzroŭniu vykidaŭ 1990 hodu.
U skład biełaruskaj delehacyi na kanferencyi ŭvachodziać pradstaŭniki Minpryrody, Ministerstva zamiežnych spraŭ, biełaruskaj ambasady ŭ Francyi, nacyjanalnyja eksperty ŭ pytańniach źmieny klimatu, pradstaŭniki niaŭradavych arhanizacyj.
29 listapada ŭ Paryžy zaplanavana sustreča hieneralnaha sakratara AAN Pan Hi Muna z prezydentam Francyi Fransua Alandam.
Na kanferencyi ŭ Paryžy ŭzmocniać miery biaśpieki — uličvajučy terakty, što adbylisia ŭ francuskaj stalicy 13 listapada. Tady ŭ vyniku napadaŭ radykalnych isłamistaŭ zahinuli 130 čałaviek.
«Šmatpartyjnaść, pluralizm mierkavańniaŭ — heta brachnia, zachodniaja brachnia». Łukašenka razhladaje kanstytucyjnaje viartańnie da savieckaj sistemy74
«Šmatpartyjnaść, pluralizm mierkavańniaŭ — heta brachnia, zachodniaja brachnia». Łukašenka razhladaje kanstytucyjnaje viartańnie da savieckaj sistemy
«Dziaŭčyna niedzie praź siem siekund užo pikiravała bieź piłota». Siabar deltapłanierysta, jaki raźbiŭsia ŭ Stročycach, raskazaŭ, što pryviało da trahiedyi33
Kamientary