Sud Lidskaha rajona Hrodzienskaj vobłaści pryhavaryŭ byłoha staršyniu Iŭjeŭskaha rajonnaha vykanaŭčaha kamiteta ŭ ździajśnieńni złačynstva, praduhledžanaha č. 3 art. 426 KK. Pra heta paviedamiŭ BiełaPAN 28 listapada.
Jak paviedamlaje Viarchoŭny sud, abvinavačany pryznany vinavatym u naŭmysnym ździajśnieńni słužbovaj asobaj dziejańniaŭ, jakija vidavočna vychodziać za miežy pravoŭ i paŭnamoctvaŭ, dadzienych jamu pa słužbie, što paciahnuła škodu ŭ bujnym pamiery, istotnuju škodu pravam i zakonnym intaresam hramadzian, dziaržaŭnym i hramadskim intaresam (pieravyšeńnie ŭłady i słužbovych paŭnamoctvaŭ), učynienych z karyślivaj i inšaj asabistaj zacikaŭlenaści, što paciahnuła ciažkija nastupstvy, asobaj, jakaja zajmaje adkaznuju pasadu.
Jakija mienavita złačynstvy ŭčynienyja byłym vysokapastaŭlenym kiraŭnikom prezydenckaj vertykali, Viarchoŭny sud nie paviedamlaje.
Abvinavačanamu na padstavie č. 3 art. 426 KK pryznačana pakarańnie ŭ vyhladzie pazbaŭleńnia voli terminam na šeść hadoŭ z adbyvańniem u papraŭčaj kałonii va ŭmovach ŭzmocnienaha režymu z pazbaŭleńniem prava zajmać pasady, źviazanyja z vykanańniem arhanizacyjna-rasparadčych i administracyjna-haspadarčych abaviazkaŭ terminam na piać hadoŭ, z kanfiskacyjaj majomaści.
Da abvinavačanaha prymienienaja amnistyja i jon vyzvaleny ad asnoŭnaha pakarańnia ŭ vyhladzie pazbaŭleńnia voli častkova, terminam na adzin hod.
Ciapier čytajuć
Ukrainskaja madel zhulała z hruzinskim biznesmienam viasielle ŭ Kanach na 5 miljonaŭ jeŭra. Viadučymi byli Jaŭhien Pierlin i Maksim Hałkin11
Kamientary