Z ulikam vypłat pa dziaržaŭnym doŭhu prajekt respublikanskaha biudžetu na 2016 hod sfarmiravany z praficytam u 17,2 trłn. rubloŭ. Miarkujecca, što dachody respublikanskaha biudžetu ŭ nastupnym hodzie składuć 180,6 trłn. rubloŭ, raschody — 163,4 trłn. rubloŭ.
Asnoŭnyja paramietry prajekta biudžetu na nastupny hod pryvodziacca ŭ materyjale hałoŭnaha ŭpraŭleńnia biudžetnaj palityki Ministerstva finansaŭ, apublikavanym u apošnim numary viedamasnaha vydańnia «Finansy, učiet, audit».
Zabiaśpiečyć praficyt respublikanskaha biudžetu płanujecca za košt zaličeńnia ŭ kaznu vyvaznych mytnych pošlin na naftapradukty. Takija pošliny, zhodna z acenkaj Minfina, u nastupnym hodzie mohuć skłaści 20 trłn. rubloŭ.
Pastupleńni ad vyvaznych pošlin u poŭnym pamiery, zhodna ź infarmacyjaj Minfina, buduć nakiravanyja na pahašeńnie valutnaha dziaržaŭnaha doŭhu.
«U 2016 hodzie nieabchodna vypłacić pa daŭhavych abaviazacielstvach urada ŭ zamiežnaj valucie 3,3 młrd. dołaraŭ. Ź ich pahašeńnie doŭhu składzie 2,3 młrd. dołaraŭ, u tym liku ŭnutranaha — 1,3 młrd. dołaraŭ, źniešniaha — 1,0 młrd. dołaraŭ», — kanstatujuć śpiecyjalisty hałoŭnaha ŭpraŭleńnia biudžetnaj palityki.
Pavodle źviestak Minfina, płaciažy pa pahašeńni valutnaha dziarždoŭhu buduć ažyćcioŭlenyja za košt jak niedaŭhavych krynic (pastupleńniaŭ ad vyvaznych pošlin na naftapradukty), tak i srodkaŭ pryciahnutych dziaržaŭnych pazyk.
Nahadajem, Biełaruś viadzie pieramovy ź Mižnarodnym valutnym fondam i Jeŭrazijskim fondam stabilizacyi i raźvićcia ab pryciahnieńni novych kredytaŭ na ahulnuju sumu da 6 młrd. dołaraŭ. Akramia hetaha, biełaruski ŭrad abmiarkoŭvaje z rasijskimi bankami mahčymaść raźmiaščeńnia novaha vypusku ablihacyj.
Rašeńnie ab vydzialeńni Biełarusi novych pazyk Jeŭrazijski fond stabilizacyi i raźvićcia płanuje razhledzieć u śniežni. Pieramovy pa kredycie MVF praciahvajucca, terminy raźmiaščeńnia novaha vypusku jeŭraablihacyj Biełarusi pakul nieviadomyja. Raniej kraina płanavała raźmiaścić novy vypusk daŭhavych papier u 2015 hodzie, adnak potym pieraniesła hetyja płany na niapeŭny termin.
Ciapier čytajuć
U vice-śpikierki Kaardynacyjnaj rady Lizaviety Prakopčyk sabrałasia $12 tysiač daŭhoŭ74
Kamientary