Kampanija MTS uviała svaich abanentaŭ u zman. Da takoj vysnovy pryjšło Ministerstva handlu paśla aznajamleńnia sa skarhami karystalnikaŭ sotavaj suviazi, jakija paličyli reklamu padarunka «2008 chvilin pa 10 rubloŭ» nieadpaviednaj rečaisnaści.
Padarunak — 2008 chvilin na nadzvyčaj nizkim taryfie (10 rubloŭ za chvilinu) — nasamreč akazaŭsia płatnaj pasłuhaj koštam 20 tys. 80 rub. Usie, chto da jaje padklučyŭsia, štomiesiac hublali sa svajho rachunku kala 6 tys. rubloŭ, niezaležna ad kolkaści skarystanych chvilin koštam 10 rub. Krychu bolš za 200 rub. śpisvałasia štodzionna.
Miž tym u reklamnych rolikach, jakija aktyŭna raspaŭsiudžvalisia ŭ ŚMI ŭ listapadzie‑śniežni minułaha hodu, pra dadatkovyja traty nie było skazana ni słova. Tamu mnohija abanenty, daviarajučy MTS, paličyli za lišniaje cikavicca padrabiaznaściami akcyi na sajcie ci ŭ aperatara.
Niezadavalnieńnie pryjšło paźniej, kali z rachunku stali źnikać lišnija rubli. Ministerstva handlu pryznała reklamu nieadpaviednaj i vyniesła papiaredžańnie pra «niemahčymaść u dalejšym raspaŭsiudžvać nieadpaviednuju reklamu». Kampanija MTS padparadkavałasia i tym samym vyratavałasia ad administracyjnaj adkaznaści.
Uvahu Minhandlu źviarnuła partniory «Jurydyčnaj hrupa «Verdykt Baj», Illa Łatyšaŭ i Valancin Halič. Jany raźmiaścili na svaim sajcie šablon adpaviednaj skarhi ŭ Minhandlu. Jurysty kažuć, što heta ŭžo nia pieršy vypadak parušeńnia kampanijaj MTS zakanadaŭstva ab reklamie. Letaś Minhandlu paličyła nieadpaviednaj reklamu akcyi «Śpioka +50».
Niekatoryja abanenty vykazali namier napisać zajavu na MTS z prośbaj viarnuć niezakonna śpisanyja hrošy. U skrajnim vypadku, źviarnucca ŭ sud. Darečy ad adnaho sa spažyvieckich tavarystvaŭ pastupiła prapanova padać na MTS kalektyŭny pazoŭ.
Ciapier čytajuć
«Šmatpartyjnaść, pluralizm mierkavańniaŭ — heta brachnia, zachodniaja brachnia». Łukašenka razhladaje kanstytucyjnaje viartańnie da savieckaj sistemy79
«Šmatpartyjnaść, pluralizm mierkavańniaŭ — heta brachnia, zachodniaja brachnia». Łukašenka razhladaje kanstytucyjnaje viartańnie da savieckaj sistemy
«Dziaŭčyna niedzie praź siem siekund užo pikiravała bieź piłota». Siabar deltapłanierysta, jaki raźbiŭsia ŭ Stročycach, raskazaŭ, što pryviało da trahiedyi44
Kamientary