Bankamaty ŭ suviazi z denaminacyjaj, jakaja abjaŭlena ŭ Biełarusi z 1 lipienia 2016 hoda, zamianiać nie płanujecca. Ab hetym siońnia žurnalistam paviedamiŭ načalnik hałoŭnaha ŭpraŭleńnia raźvićcia ličbavych bankaŭskich technałohij Nacyjanalnaha banka Biełarusi Alaksandr Sotnikaŭ.
«Dumaju, što zamianiać bankamaty nichto nie budzie. Atrymaŭšy infarmacyju ad Nacbanka ab praviadzieńni denaminacyi, biezumoŭna, užo ŭsie biełaruskija banki pačali rabotu pa pieranastrojcy prahramnaha zabieśpiačeńnia i nabyćci nieabchodnych rasšyreńniaŭ, kab pracavać z novymi kupiurami», — skazaŭ pradstaŭnik Nacbanka.
Alaksandr Sotnikaŭ vykazaŭ mierkavańnie, što z 1 lipienia nastupnaha hoda adpaviednyja pryłady buduć vydavać u pieršuju čarhu denaminavanyja kupiury. «Z punktu hledžańnia bankamatnaj łohiki, dumaju, što ŭ kožnym kankretnym bankamacie buduć zahružany banknoty abo denaminavanyja, abo nie. Naŭrad ci buduć vykarystoŭvacca i tyja i druhija kupiury adnačasova», — vykazaŭ mierkavańnie kiraŭnik hałoŭnaha ŭpraŭleńnia.
Adkazvajučy na pytańnie, jakija buduć zatraty ŭ suviazi z hetym, Alaksandr Sotnikaŭ adznačyŭ: «Nie hatovy skazać. Ja dumaju, što zatraty buduć adekvatnyja, nie vielmi vialikija».
Kamientary