U Biełarusi paskoryli praceduru rehistracyi nieruchomaści dla hramadzian
Pra heta paviedamili ŭ pres-słužbie Dziaržkammajomaści.
Z 8 listapada 2015 hoda ŭstupili ŭ siłu źmianieńni va Ukaz prezidenta Biełarusi ad 26 krasavika 2010 hoda numar 200 «Ab administracyjnych pracedurach, što ažyćciaŭlajucca dziaržaŭnymi orhanami i inšymi arhanizacyjami pa zajavach hramadzian».
Zhodna z hetymi źmianieńniami, dziaržaŭnaja rehistracyja nieruchomaj majomaści, pravoŭ na jaje i ździełak ź joju ažyćciaŭlajecca terytaryjalnymi arhanizacyjami pa dziaržaŭnaj rehistracyi na praciahu 5 rabočych dzion z dnia padačy zajavy. U vypadku praviadzieńnia rehistracyjnych dziejańniaŭ u paskoranym paradku — 2 rabočyja dni, u vypadku praviadzieńnia rehistracyjnych dziejańniaŭ u terminovym paradku pry ŭmovie, što zajava ab dziaržaŭnaj rehistracyi zarehistravana ŭ žurnale rehistracyi zajaŭ da 16.00, — 1 rabočy dzień, u vypadku zapytu dakumientaŭ i (abo) źviestak ad inšych dziaržaŭnych orhanaŭ, inšych arhanizacyj — na praciahu adnaho miesiaca», — rastłumačyli ŭ Dziaržkammajomaści.
Taksama ŭ pres-słužbie adznačyli, što pry praviadzieńni rehistracyjnych dziejańniaŭ u paskoranym i terminovym paradku z zajaŭnika dadatkova spahaniajecca płata 0,3 i 0,6 bazavaj vieličyni adpaviedna.
U Dziaržkammajomaści padkreślili, što raniej u Biełarusi z 7 da 5 rabočych dzion byŭ skaročany termin ažyćciaŭleńnia dziaržaŭnaj rehistracyi nieruchomaj majomaści, pravoŭ na jaje i ździełak ź joju dla jurydyčnych asob i indyvidualnych pradprymalnikaŭ. Skaračeńnie hetaha terminu praduhledžana pastanovaj Savieta Ministraŭ Biełarusi ad 26 studzienia 2015 hoda numar 45, što ŭstupiła ŭ siłu 30 studzienia 2015 hoda.
«Hetym dakumientam taksama praduhledžana mahčymaść ažyćciaŭleńnia rehistracyjnych dziejańniaŭ u terminovym paradku — na praciahu 1 rabočaha dnia z dnia padačy dakumientaŭ, nieabchodnych dla ažyćciaŭleńnia dziaržaŭnaj rehistracyi, pry ŭmovie, kali arhanizacyja abo indyvidualny pradprymalnik źviernucca ŭ arhanizacyju pa dziaržaŭnaj rehistracyi da 16.00», — rastłumačyli ŭ pres-słužbie.
Kamientary