Sienatara-biznesmiena Paŭłoŭskaha vinavaciać u niavypłacie $8,3 miljona padatkaŭ

U Pres-słužbie Kamiteta dziaržbiaśpieki paviedamili, za što zatrymany i čamu znachodzicca Ŭ SIZA viedamstva člen Savieta Respubliki i biznesmien Andrej Paŭłoŭski.

Pavialičyć

«KDB spyniena supraćpraŭnaja dziejnaść mižnarodnaj złačynnaj hrupy, jakaja arhanizavała schiemu ažyćciaŭleńnia niezakonnaj haspadarčaj dziejnaści, źviazanaj ź niavypłataj padatkaŭ u asabliva bujnym pamiery. Pavodle papiarednich acenak DFR KDK tolki čatyrma firmami z hrupy kampanij «Bijakam» za apošnija hady nie vypłačanyja padatki na sumu nie mienš 144 młrd rubloŭ», — paviedamili ŭ viedamstvie.

Złačynnaja schiema była raspracavana i realizoŭvałasia pa inicyjatyvie kiraŭnictva hrupy kampanij «Bijakam» z zadziejničańniem šerahu padkantrolnych zamiežnych kamiercyjnych struktur z vaśmi krain.

«Paśla prybyćcia pradukcyi ŭ punkty mytnaha afarmleńnia Biełarusi pradstaŭniki złačynnaj hrupy ažyćciaŭlali zamienu mižnarodnych tavarasupravadžalnych dakumientaŭ (invojsaŭ) na fiktyŭnyja. Adpraŭcami zamiest firmaŭ-vytvorcaŭ ŭkazvalisia padkantrolnyja afšornyja kampanii, a košt tavaru pavialičvaŭsia da troch razoŭ. Na ŭnutranym rynku nazvanyja tavary pradavalisia pradpryjemstvam ahrapramysłovaha kompleksu ź minimalnaj handlovaj nadbaŭkaj, što dazvalała złamyśnikam zajaŭlać pra minimalnyja dachodach i tym samym vypłačvać sumy padatkaŭ tolki ź niaznačnaj častki realnaj prybytku. Asnoŭnaja jaje častka viartałasia ŭ zamiežnaj valucie za miažu iłžepastaŭščykam», — patłumačyli ŭ KDB.

Pry hetym škoda ad złačynnaj dziejnaści składałasia nie tolki ŭ niavypłacie padatkaŭ. Charčovyja dabaŭki, vieterynarnyja preparaty, a taksama materyjały i technałahičnaje abstalavańnie składajuć značnuju dolu sabiekoštu pradukcyi ptuškahadoŭli i žyviołahadoŭli. Ich padvyšany košt adbivaŭsia na kankurentazdolnaści ajčynnych vytvorcaŭ, a taksama pryvodziŭ da zavyšanych cen na adpaviednuju pradukcyju ŭ handlovych sietkach.

Heta značyć, u kančatkovym vyniku zvyšprybytki złačynnaj hrupy farmavalisia za košt padvyšanych vydatkaŭ kančatkovaha spažyŭca.

Varta adznačyć, što šmat u čym anałahičnyja «šeryja» schiemy jašče bolš maštabna vykarystoŭvalisia i kiraŭnikami ZAT «Konsuł» (Brest), złačynnaja dziejnaść jakich spyniena KDB u kastryčniku biahučaha hoda.

U chodzie praviedzienych apieratyŭna-vyšukovych mierapryjemstvaŭ i nieadkładnych śledčych dziejańniaŭ vyjaŭlenyja i kanfiskavanyja 14 piačatak padkantrolnych zamiežnych struktur ź Ispanii, Partuhalii, Słavienii, Čechii, Polščy, Łatvii, Kipra i inšych dziaržaŭ, praz rachunki jakich adbyvałasia kiravańnie «cieniavymi» finansavymi patokami.

U dačynieńni da ŭładalnika hrupy kampanij «Bijakam» Andreja Paŭłoŭskaha, a taksama šaści pradstaŭnikoŭ jaje kiraŭnictva raspačata 4 kryminalnyja spravy pa č.2 art. 243 KK (uchileńnie ad vypłaty sum padatkaŭ, zboraŭ u asabliva bujnym pamiery).

Sankcyjaj artykuła praduhledžana pakarańnie ŭ vyhladzie pazbaŭleńnia voli terminam da siami hadoŭ z kanfiskacyjaj majomaści.

Nazvanyja słužbovyja asoby zatrymanyja i źmieščanyja ŭ SIZA KDB.

Čytajcie taksama: Piać faktaŭ pra zatrymanaha sienatara-miljaniera Andreja Paŭłoŭskaha

• 0
• 0
• 0
• 0
• 0
• 0
• 0
• 0