BATE — «Barsiełona» — 0:2. ANŁAJN

93+ chvilina

Usio, matč skončyŭsia. BATE sastupiŭ ź likam 0:2. Usim dziakuj, chto sačyŭ za anłajnam na sajcie nn.by.

90-aja chvilina

Da asnoŭnaha času hulni dadadziena try chviliny. Dyktar paviesialiŭ, kaža: «Paśpiejem im jašče troječku pakłaści?»

88-aja chvilina

Kłasičnaja situacyja, kali adny nie chočuć, inšyja - nie mohuć. Chutčej by ŭžo śvistok.

86-aja chvilina

Jaki tryler u matčy «Bajer» — «Roma» — 4:4!

85-aja chvilina

Usio, paciahnulisia ludzi sa stadyjona. Im u śpinu kryčać: «Vy što, nie vierycie ŭ kamandu?»

84-aja

Za hetyja chviliny Miłunavič i Karnicki atrymali pa žoŭtaj kartcy. U našych papiaredžańniaŭ užo piać štuk.

Pavialičyć

81-aja chvilina

Mazaleŭski na poli. Viartańnie ŭ vialiki futboł (hulnia ŭ Viciebsku nie ličycca) forvarda paśla dvuchhadovaha pierapynku. Dźmitryj, pośpiechaŭ!

80-aja chvilina

Aholenaj Hanny Bond «Barysaŭ-Arena» siońnia nie pabačyć.

77-aja chvilina

A voś i jon! Udar u stvor! Znoŭ Sihnievič. Nu heta choć niešta. Kaniečnie, dla ter Stehiena heta nie nadta składanaja rabota, ale bolš radasna stała.

75-aja chvilina

Jość pieršy ŭdar! Abaronca «Barsiełony» błakavaŭ streł Sihnieviča. Moža, i pieršy ŭdar u stvor niejak narodzicca.

72-aja chvilina

«Barsiełona» vykarystała ŭsie zamieny. Apošnim pamianiali Buskietsa, jaki doŭha pieradavaŭ kapitanskuju paviazku partnioru.

69-aja chvilina

Vielmi chočacca choć adzin udar BATE pa varotach pabačyć. A to statystyka nu zusim sumnaja — 0:19. 0:19, Karł!

Pavialičyć

68-aja chvilina

Voś tak hulec, što vyjšaŭ na zamienu, zrabiŭ vynik dla «Barsiełony». Niejak kryŭdna, moh BATE siońnia začapić bolšaje.

66-aja chvilina

Niemańju Nikaliča pamianiaŭ Jaŭhien Jabłonski.

65-aja chvilina

Rakicič — 0:2! Usio, para skančvać hulniu, pakul jašče bolej nie adchapili.

62-aja chvilina

Pieršaja zamiena ŭ BATE. Zamiest Maksima Vaładźko vyjšaŭ Karnicki.

55-aja chvilina

«Barsiełona» prosta pačynaje katać našaha čempijona. Treba niejkaja emacyjnaja zaradka chłopcam Jermakoviča. Trybuny, aŭ! Dapamahajcie!

53-aja chvilina

Nejmar adčajana biŭ pa bramie Siarhieja Černika. Na ščaście, prajšoŭ miač mima.

52-aja chvilina

Niejak razhubilisia trybuny paśla prapuščanaha hoła lubimaj kamandy. Darečy, fanaŭ «Barsy» nie bačna zusim.

48-aja chvilina

Pavialičyć

Niadoŭha muzyka hrała. Adrazu paśla pierapynku Rakicič vyvieŭ «Barsiełonu» napierad udaram z-za miežaŭ štrafnoj — 0:1.

45-aja chvilina

Pierapynak. 0:0! Z trybun kryčać: «Pieramahać!»

43-aja chvilina

Znoŭ žoŭtymi kartkami abmianialisia kamandy. U «Barsiełonie» papiaredžańnie atrymaŭ Ałvies, u našych — Maksim Vaładźko.

42-aja chvilina

Nu narešcie niejki ŭspołach u atacy ŭ BATE. Ale partuhalski arbitr užo zapaliŭ afsajd.

39-aja chvilina

Što tvoryć «Roma»! Užo — 2:2. U Barysavie ž usio dastatkova sumna, tamu davodzicca adryvacca na inšyja matčy. «Barsa» atakuje biez ahańka, BATE abaraniajecca vielmi čotka.

37-aja chvilina

«Roma» adkvitała adzin miač u matčy z «Bajeram» — 1:2. U nas pa-raniejšamu 0:0.

33-aja chvilina

Statystyka. Udary pa varotach: 8:0 na karyść «Barsiełony». U stvor varot: 4:0.

30-aja chvilina

Buskiets upuściŭ, mabyć, pakul samy realny šaniec u matčy. Mima. BATE hulaje dosyć dyscyplinavana.

Pavialičyć

29-aja chvilina

Dzianis Palakoŭ atrymaŭ papiaredžańnie za zryŭ ataki. Pierad hetym žoŭtuju ŭ «Barsiełony» zajmieŭ Buskiets. Pa kartkach — 1:1.

25-aja chvilina

Fint Maksama Vaładźko vyklikaŭ ekstaz na trybunach. Škada, pakul nivodnaj uciamnaj ataki pravieści nie atrymlivajecca.

23-aja chvilina

Trybuny niezadavolena śviściać, kali ź miačom praciahvaje vałodać «Barsa». «Fuuuuuu», — čujecca z trybun.

21-aja chvilina

Tym časam u inšym matčy našaj hrupy niamiecki «Bajer» pieramahaje ŭ italjanskaj «Romy» — 2:0. Biednaja «Roma», to ad BATE adchapili, to ad «Bajera».

20-aja chvilina

BATE znoŭ adbiŭsia. Bajusia ssuročyć, ale pakul vielmi-vielmi-vielmi hrozna «Barsa» nie vyhladaje. Chiba što prosta «vielmi hroznaj».

Pavialičyć

19-aja chvilina

Stadyjon, kaniečnie, zabity pad zaviazku.

Niejmar tolki što nie zdoleŭ pierakinuć Černika. Čarhovy kutni.

17-aja chvilina

Užo adbyłasia pieršaja zamiena. Pole pakinuŭ Sierdža Rabierta, ustupiŭ — Ivan Rakicič.

16-aja chvilina

Varta adznačyć, što nijaki dublujučy skład barsiełoncy nie vypuścili na hulniu. Na hazonie i Suares, i Niejmar. 

14-aja chvilina

Pavialičyć

Jość składanaści z padklučeńniem da internetu. Pakul možna śmieła skazać, što ŭ składzie BATE hierojstvuje hałkipier Siarhiej Černik. Užo try razy jahonyja bliskučyja sejvy ratavali kamandu.

BATE ž narešcie pačaŭ pierachodzić na čužuju pałovu pola. Praŭda, da štrafnoj jašče nie dachodzili.

• 0
• 0
• 0
• 0
• 0
• 0
• 0
• 0