Forvard zbornaj Biełarusi Kanstancin Kalcoŭ zaklučyŭ kantrakt ź minskim «Dynama».
34-hadovy minčuk — vychavaniec chakiejnaj škoły «Junactva», dzie i vystupaŭ až da 1998 hoda ŭ roznych uzrostavych katehoryjach.
Zatym dva siezony pravioŭ u składzie čarapavieckaj «Sievierstali» z rasijskaj Supierlihi. Tady ž adbyŭsia i jaho debiut na mižnarodnaj arenie — za junackuju, maładziožnuju, a zatym i za asnoŭnuju nacyjanalnyja kamandy Biełarusi. Na svaim pieršym «darosłym» suśvietnym pieršynstvie Kanstancin adyhraŭ 6 matčaŭ. Usiaho na rachunku forvarda — udzieł u vaśmi čempijanatuach śvietu siarod kamand elitnaha dyvizijona (2005, 2007, 2008, 2009, 2010, 2012, 2013, 2014 hh.), A taksama dźvie Alimpijady: u Sołt-Łejk-Sici i Vankuviery.
U 1999 hodzie Kalcoŭ byŭ vybrany «Pitsburh Pinhvinz» u 1-m raŭndzie draftu NCHŁ pad 18-m numaram. Usiaho za svaju karjeru ŭ Nacyjanalnaj chakiejnaj lizie Kalcoŭ pravioŭ 144 matčy, u jakich nabraŭ 38 (12+26) bambardzirskich bałaŭ.
Siezon-2004/05 staŭ znakavym momantam dla ŭsiaho chakiejnaha śvietu — bo mienavita tady ŭ NCHŁ zdaryŭsia łakaŭt, na čas jakoha Kalcoŭ časova «pierajechaŭ» u «Dynama-Minsk». Tut forvard adyhraŭ u 11 hulniach i zarabiŭ 8 (6+2) ačkoŭ. U dalejšym, zrešty, znoŭ źmianiŭ prapisku na maskoŭski «Spartak», dzie i prabyŭ da zakančeńnia enchaełaŭskaj «paŭzy».
Užo ŭ nastupnym hodzie Kanstancin viarnuŭsia ŭ skład «pinhvinaŭ», adnak jon i staŭ dla jaho apošnim za akijanam. Nastupny pieryjad u karjery napadnika prajšoŭ pad ehidaj ufimskaha «Sałavata Jułajeva» — mienavita tut i adbyŭsia jaho debiut u KCHŁ. Tolki ŭ sakaviku 2012 hoda kantrakt z Ufoj byŭ skasavany pa ŭzajemnaj zhodzie. A praz try miesiacy Kalcoŭ padpisaŭ kantrakt z padmaskoŭnym «Atłantam», ź jakoha byŭ abmianiany ŭ kazanski «Ak Bars» u śniežni 2014-ha.
Ciapierašni siezon Kalcoŭ pavinien byŭ pačynać u CHK «Sočy», adnak z-za epapiei sa statusam u Lizie biełaruskich hulcoŭ vyrašyŭ u čarhovy raz źmianić abstanoŭku i pasprabavać svaje siły ŭ Minsku, u staličnym «Dynama».
Ciapier čytajuć
Chitry rasijanin Jaŭhien z žonkaj i małym prydumali, jak biaspłatna pažyć u kvatery biełaruski9
Chitry rasijanin Jaŭhien z žonkaj i małym prydumali, jak biaspłatna pažyć u kvatery biełaruski
«Ja nie bomž, u mianie navat biełyja škarpetki». U Minsku dziaŭčyna z Łuhanska raskłała pałatku prosta ŭ padjeździe šmatpaviarchovika, ustryvožyŭšy žycharoŭ2020
Kamientary