Pastar pratestanckaj carkvy «Novaje žyćcio» atrymaŭ pradpisańnie z administracyi Centralnaha rajonu Miensku razburyć svoj pryvatny dom na vulicy Repina da stanu, u jakim toj byŭ da ramontu i rekanstrukcyi.
Vosiem hadoŭ tamu Viačasłaŭ i Iryna Hančarenki nabyli na vulicy Repina stary dom. Raniej jon byŭ zarehistravany jak kvatera na balansie ŽES. Papiaredni žychar jaje pryvatyzavaŭ i pradaŭ maładoj siamji. Dom byŭ vielmi stary, i novyja haspadary zrabili rekanstrukcyju.
U pradpisańni z vykankamu Centralnaha rajonu skazana, što rekanstrukcyja pravodziłasia biez dazvołu. Namieśnik kiraŭnika administracyi Źmicier Navicki patłumačyŭ «Svabodzie»:
«Samavolnaja rekanstrukcyja, jak i lubyja samavolnyja prybudovy ŭ nas, pavodle zakanadaŭstva, znosiacca za košt vinavataha boku. Prybudova dvuchpaviarchovaja, i jana pavodle svajho abjomu pieravyšaje abjom raniejšaha budynku. Zhodna z zakanadaŭstvam, my majem prava pryniać rašeńnie ab prymusovym znosie».
Spadar Navicki spasłaŭsia na toje, što dom vykarystoŭvajecca nie pa pryznačeńni. Ale, pavodle jaho, heta ciapier nia maje vialikaha značeńnia, bo ŭsio roŭna rajon, dzie žyvie siamja pastara, idzie pad znos:
Havoryć Viačasłaŭ Hančarenka:
«My źviartalisia ŭ Kamitet architektury horada i daviedalisia, što naš dom nie idzie pad znos. Ja dumaju, što tut jość intaresy Navickaha, a taksama intaresy, mahčyma, Mienharvykankamu, jaki dumaje, što ŭ našym domie znachodzicca ofis. A heta nia tak».
Žonka pastara Iryna Hančarenka razam ź inšymi viernikami carkvy trymała haładoŭku, kali ŭłady sprabavali adabrać budynak carkvy na vulicy Kavalova. Jana ličyć, što ciapier ułady ŭzialisia za jaje muža. Iryna pryhadała, što ich ułasny dom dapamahali budavać jaje baćki i braty:
«U nas try maleńkija dački. Dźvie ŭžo chodziać u škołu, a małodšaj jašče čatyry hodziki. Heta zusim nie pa‑čałaviečy tak rabić… Jak tak možna? My za svaje hrošy stolki hadoŭ budavali hety dom!.. Nam dali dazvoł, usie dakumenty ŭ paradku… Heta paprostu aburaje».
Pavodle pradpisańnia, pastar Viačasłaŭ Hančarenka musić da takoj stupieni razburyć svoj dom, kab jon źniešnie vyhladaŭ jak toj, jaki byŭ tut vosiem hadoŭ tamu. Zrabić heta treba da 18 sakavika.
«A 4‑j hadzinie nočy my zrazumieli, što sierviery prosta vyčyščanyja». Jarasłaŭ Ivaniuk raskazaŭ padrabiaznaści pra ataku na anłajn-biblijateku «Kamunikat»99
Kamientary