Samaabvieščanyja Danieckaja i Łuhanskaja narodnyja respubliki (DNR i ŁNR) zhodnyja pieranieści miascovyja vybary na svajoj terytoryi z 18 kastryčnika i 1 listapada na nastupny hod.
Pra heta havorycca ŭ zajavie paŭnamocnych pradstaŭnikoŭ respublik u kantaktnaj hrupie pa ŭrehulavańni ŭ Danbasie Dzianisa Pušylina i Uładzisłava Dejniehi, apublikavanym na sajcie Danieckaha ahienctva navin.
«Paviedamlajem pra zhodu DNR i ŁNR na pieranos vybaraŭ z 18 kastryčnika i 1 listapada na nastupny hod», — skazali jany.
Jany adznačyli, što heta rašeńnie pryniata paśla vyvučeńnia vynikaŭ paryžskaha samitu lidaraŭ «narmandskaj čaćviorki» (RF, FRH, Francyja i Ukraina) 2 kastryčnika.
«Adznačajem, što prapanova ŁNR pra pieranos vybaraŭ u Danbasie na 21 lutaha 2016 h. pry ŭmovie poŭnaha vykanańnia Kijevam palityčnych punktaŭ «Minska-2» ŭličana «narmandskaj čaćviorkaj». My vyvučyli zajavy i rekamiendacyi spadaryni Mierkiel i spadara Ałanda pa vynikach paryžskaha samitu 2 kastryčnika. Praviali ŭ Minsku kansultacyi z pradstaŭnikami ABSIE i Rasii. Atrymali ŭkazańni ad našych lidaraŭ Alaksandra Zacharčanki i Ihara Płatnickaha», — padkreślili Pušylin i Dejnieha.
«Za hety čas Ukraina budzie abaviazanaja vykanać usie uziatyja na siabie pa minskich pahadnieńniach abaviazacielstvy. A mienavita: dać Danbasu asablivy status, nie dapuścić pieraśledu i pakarańnia asob — udzielnikaŭ padziej na terytoryi Danieckaj i Łuhanskaj abłaściej, a taksama pierahałasavać papraŭki ŭ kanstytucyju ŭ novaj, uzhodnienaj z nami redakcyi», — skazali jany.
U archivach SBU znajšlisia dakumienty, jak savieckija śpiecsłužby zavierbavali emisara AUN, ale ŭkrainskaje padpolle heta vykryła i zabiła zdradnika88
Kamientary