Akademik Rubinaŭ: «Biełaruś nikoli nie mieła dziaržaŭnaj samastojnaści»
Były śpikier Savieta Respubliki akademik Anatol Rubinaŭ na staronkach haziety «SB. Biełaruś siehodnia» parazvažaŭ pra los našaj krainy: pra jaje minułaje, ciapierašni čas i budučyniu. Pavodle Rubinava, «za ŭsiu svaju šmatviakovuju historyju Biełaruś nikoli nie mieła dziaržaŭnaj samastojnaści». U VKL jon nie bačyć ničoha biełaruskaha, a Reč Paspalitaja była pryhniatalnicaj biełarusaŭ. Pra Połackaje ci Turaŭskaje kniastvy niama navat zhadki.
Anatol Rubinaŭ adznačaje, što praces pałanizacyi biełarusaŭ źmianiŭsia rusifikacyjaj. Paśla była BNR, dziejačy jakoj «rabolepstvovali» pierad niamieckim kajzieram, a voś BSSR jon aceńvaje stanoŭča, jak prystupku dla stvareńnia ŭ budučyni biełaruskaj dziaržavy.
Rubinaŭ nahadvaje, što biełarusy ŭ 1990 hodzie prahałasavali za zachavańnie SSSR, ale sajuz razvaliŭsia. I tut, «u zapale ŭspychnuŭšych žarściaŭ biełaruski parłamient taksama prahałasavaŭ za abjaŭleńnie niezaležnaści Biełarusi». Chacia nijakaj niezaležnaści nie było, śćviardžaje akademik, bo «Biełaruś na ŭsie 100 adsotkaŭ zaležała ad Rasii». I tolki ŭ 1994 hodzie paśla taho, jak Alaksandr Łukašenka staŭ prezidentam, «u Biełarusi pačaŭsia praces płanamiernaha budaŭnictva ŭłasnaj dziaržaŭnaści».
U kancy vialikaha artykuła akademik Anatol Rubinaŭ zaklikaje davieryć Alaksandru Łukašenku «i dalej vieści našu krainu». Jon ličyć, što heta dapamoža zachavać Biełaruś.
Ciapier čytajuć
«Z rasijan-naviednikaŭ pracentaŭ 70 akazvalisia vatnikami». Eks-hid z muzieja VAV, jakoha zatrymlivali jaho ž ekskursanty, ciapier papularny ŭ Varšavie — pahutaryli ź im2
«Z rasijan-naviednikaŭ pracentaŭ 70 akazvalisia vatnikami». Eks-hid z muzieja VAV, jakoha zatrymlivali jaho ž ekskursanty, ciapier papularny ŭ Varšavie — pahutaryli ź im
Rasijski repier Jahor Kryd źniaŭsia ŭ majcy z vyjavaj hieroja filma «Idzi i hladzi», jakomu damalavali pirsinh i tatuiroŭki. Cišotku vypuścili krama biełaruski1010
Kamientary