tass.ru
Pres-sakratar Kramla Dźmitryj Piaskoŭ zajaviŭ, što ŭ vypadku raźmiaščeńnia ŭ Hiermanii jašče 20 amierykanskich atamnych bombaŭ Rasija budzie vymušanaja pryniać kontrmiery.
«Viadoma heta jašče adzin krok, pryčym, na žal, vielmi surjozny krok, u bok nahniatańnia napružanaści na jeŭrapiejskim kantyniencie», — cytuje Piaskova ahienctva RBK.
Pavodle jaho słoŭ, raźmiaščeńnie ŭ Hiermanii novych atamnych bombaŭ moža pryvieści da parušeńnia stratehičnaha bałansu ŭ Jeŭropie, i dla adnaŭleńnia bałansu Rasii pryjdziecca raspačać kroki ŭ adkaz.
Ab płanach ZŠA raźmiaścić na avijabazie ŭ Hiermanii sučasnyja atamnyja bomby raniej paviedamiŭ niamiecki telekanał ZDF. Hetu vysnovu telekanał zrabiŭ pa vynikach vyvučeńnia biudžetu amierykanskich VPS na nastupny hod.
Pa dadzienych niamieckich žurnalistaŭ, havorka idzie prykładna ab 20 bombach typu B61-12, kožnaja ź jakich pa mahutnaści roŭnaja 80 bombam, skinutym na Chirasimu. Akramia taho, jany značna dakładniej za bolšaść inšych atamnych bombaŭ.
Čakajecca, što novyja bomby, jakija raźmieściać na avijabazie ŭ Biuchieli, adaptavanaj dla vykarystańnia ź niamieckich źniščalnikaŭ-bambavikoŭ Tornado. U vypadku vajny ŭžyvać bomby buduć niamieckija piłoty, a nie amierykanskija.
Aficyjnaj reakcyi na paviedamleńnie niamieckich žurnalistaŭ nie było.
U ciapierašni čas na avijabazie ŭ Biuchiel zachoŭvajucca, pa roznych źviestkach, ad 10 da 20 amierykanskich atamnych bombaŭ. Heta adzinaja baza ŭ Hiermanii, na jakoj zastałasia amierykanskaja jadziernaja zbroja.
Ciapier čytajuć
U Minsku kidajuć budavać treciuju liniju mietro ŭ Zialony Łuh. Usie siły pojduć na čaćviortuju, kalcavuju14
Kamientary