Prysud vynosili ŭ adsutnaść advakataŭ i žurnalistaŭ. Redaktara apazycyjnaj hazety abvinavacili ŭ chulihanstvie i naŭmysnym pryčynieńni škody zdaroŭja.
Sud Jasamalskaha rajonu Baku vynies prysud hałoŭnamu redaktaru apazycyjnaj azerbajdžanskaj hazety «Azadłyh» («Svaboda») Hanimatu Zachidavu ŭ adsutnaść advakataŭ, žurnalistaŭ i blizkich. Jaho abvinavacili ŭ chulihanstvie i naŭmysnym pryčynieńni škody zdaroŭja.
Razam z redaktaram na 1,5 hodu byŭ asudžany taksama Vusał Hasanaŭ, jakomu nibyta i nanios škodu Hanimat Zachidaŭ. Incydent adbyŭsia 7 listapada 2007 hodu. Pa słovach vidavočcaŭ, kali redaktar nabliziŭsia da redakcyi «Azadłyh», maładaja dziaŭčyna pačała vykrykvać na jaho adras: «Chto ty taki, kab mianie abražać!» Na dapamohu joj kinuŭsia małady čałaviek, jaki adzin raz udaryŭ redaktara, paśla čaho jaho adciahnuli śviedki incydentu. Paśla hetaha maładyja ludzi pajechali ŭ palicyi pisać zajavu na H. Zachidava. 11 listapada žurnalista aryštavali. Paźniej vyśvietliłasia, što Vusał Hasanaŭ — były siabra apazycyjnaj partyi Narodnaha frontu i maje asabistyja rachunki da Zachidava.
Niezaležnyja žurnalisty Azerbajdžana rascanili vypadak z redaktaram hazety, jak pravakacyju, a Rada Eŭropy i ABSE zapatrabavali ad aficyjnaha Baku spynić pieraśled Zachidava.
Na siońnia ŭ turmie znachodzicca małodšy brat Zachidava Sakit. Jon asudžany pa abvinavačvańni ŭ zachoŭvańni narkotykaŭ. Pravaabaroncy ličać jaho spravu sfabrykavanaj.
Čamu YouTube vydaliŭ kanały BiełTA, STB i ANT? Voś što viadoma11
Kamientary