Niama padstaŭ chvalavacca nakont nastupstvaŭ zasuchi dla charčovaj biaśpieki krainy. Upeŭnienaść u hetym Alaksandr Łukašenka vykazaŭ siońnia ŭ čas razmovy z pracoŭnym kalektyvam AAT «Biełaviežski» i žycharami vioski Rasna.
«Niama padstaŭ chvalavacca», — skazaŭ Alaksandr Łukašenka, adkazvajučy na pytańnie, ci jość apasieńni, što kraina sutykniecca ź niachvatkaj praduktaŭ charčavańnia, syraviny dla pierapracoŭčaj pramysłovaści ŭ suviazi z anamalnaj haračynioj. Niahledziačy na zasuchu, u hetym hodzie ŭ Biełarusi atrymany dobry ŭradžaj zbožža. Namałočana prykładna na 500 młn t mienš, čym u 2014-m. Pry hetym u krainie stvorany zapas u pamiery 2 młn t. «Tamu nasielnictvu chvalavacca nie treba. My ŭžo siońnia majem mienavita stolki, kolki nam treba pa dziaržzakazie zbožža, i ciapier haspadarki prosiać uziać u ich zbožža», — skazaŭ Alaksandr Łukašenka.
Jon pryznaŭsia, što ŭ suviazi z zasuchaj jaho chvaluje situacyja na Paleśsi, pakolki «jany paciarpieli bolš za ŭsio» — tam piaski». U bližejšy čas kiraŭnik dziaržavy maje namier asabista aznajomicca sa stanam spraŭ u hetym rehijonie.
«Ale ŭ mianie niama nijakich sumnieńniaŭ u tym, što kraina nastupstvaŭ hetaj za zasuchi nie zaŭvažyć», — padkreśliŭ Łukašenka.
Kamientary