Rada pa biaśpiecy na transparcie Niderłandaŭ apublikuje kančatkovy dakład ab pryčynach hibieli małajzijskaha «Boinha» nad uschodam Ukrainy 13 kastryčnika.
Pierad hetym svajaki pasažyraŭ i ekipaža rejsa MH17 buduć prainfarmavanyja pra źmiest dakłada ŭ chodzie zakrytaj sustrečy.
«Boinh-777» Malaysia Airlines, jaki vykonvaŭ rejs MN17 z Amsterdama ŭ Kuała-Łumpur, 17 lipienia 2014 h. byŭ źbity nad terytoryjaj uschodu Ukrainy, jakaja znachodziłasia pad kantrolem prarasijskich uzbrojenych farmiravańniaŭ; zahinuli ŭsie 298 čałaviek, jakija znachodzilisia na borcie.
Rasśledavańnie paralelna viaduć dźvie hrupy. Vyśviatleńniem pryčyn katastrofy zajmajecca Rada pa biaśpiecy na transparcie Niderłandaŭ. Kryminalnaja rasśledavańnie viadzie mižnarodnaja śledčaja hrupa, u skład jakoj uvachodziać ekśpierty z Aŭstralii, Bielhii, Hałandyi, Małajzii i Ukrainy.
U vypuščanym u čaćvier pres-relizie Rady pa biaśpiecy na transparcie Niderłandaŭ havorycca, što pra toje, dzie i jak mienavita 13 kastryčnika adbudziecca znajomstva žurnalistaŭ i šyrokaj publiki z dakładam ab hibieli rejsa MH17, budzie abvieščana dadatkova.
Adrazu ž paśla katastrofy źjaviłasia viersija pra toje, što rejs MN17 byŭ źbity pry dapamozie zienitna-rakietnaj sistemy «Buk», jakaja prybyła z Rasii.
Maskva admaŭlaje svaju datyčnaść da hetaj trahiedyi, vysoŭvajučy roznyja viersii ab vinie ŭkrainskich vajskoŭcaŭ.
U vice-śpikierki Kaardynacyjnaj rady Lizaviety Prakopčyk sabrałasia $12 tysiač daŭhoŭ106
Kamientary