Pieršy fiestyval «Śviata chleba» projdzie ŭ Minsku 5 vieraśnia biahučaha hoda, paviedamiła pres-sakratar hałoŭnaha ŭpraŭleńnia spažyvieckaha rynku Minharvykankama Nastaśsia Prymaka.
Mierapryjemstva adbudziecca ŭ parku imia M. Horkaha. Na fiestyvali svaju pradukcyju pradstaviać šeść chlebazavodaŭ KUP «Minskchlebpram», jany prademanstrujuć navinki vytvorčaści, praviaduć majstar-kłasy pa lepcy roznych fihurak, kruasanaŭ, słojek z draždžavoha, słojenaha ciesta, a taksama z roznakalarovaj maściki.
Pavodle słoŭ śpiecyjalista, udzielnikam fiestyvalu budzie pradastaŭlena mahčymaść samim śpiačy chleb, bułački, kruasany i inšyja vyraby, a taksama sfatahrafavacca ŭ roli piekara i chlebaroba. Usie žadajučyja pakaštujuć śviežy chleb i roznyja novyja vidy chlebabułačnych vyrabaŭ.
Zapłanavany konkursy, viktaryny, rekłamnyja akcyi i spartyŭna-zabaŭlalnyja mierapryjemstvy.
Kamientary