Rasija nie pavinna sumniavacca ŭ sumlennaści, pryncypovaści i nadziejnaści Biełarusi. Pra heta zajaviŭ siońnia Alaksandr Łukašenka na sustrečy sa staršynioj praŭleńnia «Hazproma» Alaksiejem Mileram.
«Mnie nadakučyła ŭžo čytać paviedamleńni z Rasii, — skazaŭ kiraŭnik dziaržavy. — Roznaha rodu palityčnyja fluhiery i pravakatary pačynajuć i mianie cierabić. Ja tolki nie viedaju, navošta hetaja palityka ŭ Rasii. Ale heta ich sprava».
«Ja prosta na złobu dnia kažu vam, što heta nie čužaja dla vas kraina, heta nie čužaja dla vas ziamla. My zaŭsiody budziem rabić toje, što vyhadna dla rasijskich kampanij, a značyć, i dla Rasii. Luby prajekt, pačynajučy ad budaŭnictva i zakančvajučy asnoŭnaj našaj dziejnaściu, my hatovyja padtrymlivać u Biełarusi. Ale kali niedzie my zmožam niešta zrabić pa-za miežami Biełarusi, vy nam skažycie, my zaŭsiody padklučymsia. Vy pavinny heta ćviorda viedać», — padkreśliŭ jon.
Alaksandr Łukašenka paprasiŭ pieradać pry vypadku hetuju pazicyju kiraŭnictvu Rasijskaj Fiederacyi. «Chaj jany nie sumniavajucca ŭ našaj sumlennaści, pryncypovaści i nadziejnaści», — skazaŭ jon.
Pry hetym Łukašenka padkreśliŭ, što za hetym nie staić niejkaja kamiercyjnaja vyhada. «Našaj supolnaj biaśpiekaj, našaj supolnaj z vami niezaležnaściu my nikoli nie handlavalisia i handlavacca nie budziem, jak by nas ni šturchali naleva, naprava», — skazaŭ kiraŭnik biełaruskaj dziaržavy.
«U nas niama pazicyi vybaru: z Zachadam abo z Rasijaj, z Zachadam abo z Uschodam. My nikoli ni z kim nie viali pieramovy, navat za stoł pieramovaŭ nie siadali, kali pierad nami stavili vybar: Rasija ci Zachad», — skazaŭ jon.
«Rasija — heta naša, Rasija — heta naša ahulnaja Ajčyna. My nikoli z Rasijaj nie sutykalisia pa vialikim rachunku, pa drobiaziach u nas byli i buduć pytańni, žyviem u ahulnym domie. Ale nikoli ŭ nas nie było vialikich prablem i nikoli ich nie budzie.
Prynamsi, adsiul heta zychodzić nikoli nie budzie. I vam luby zachodni palityk, luby amierykanski palityk, jakija pryjazdžali siudy, nikoli nie skažuć, što my pieramovy viali za košt Rasii i kahości pałochali Rasijaj. Hetaha nikoli nie było i nie budzie», — skazaŭ Alaksandr Łukašenka.
«U toj ža čas my adkryta i sumlenna kažam: my chočam narmalizavać adnosiny ź Jeŭrapiejskim sajuzam i Amierykaj.
Dakładna tak, jak Rasija, dakładna tak, jak lubaja dziaržava. Ale nie za košt našych intaresaŭ. My heta ŭžo prademanstravali», — adznačyŭ jon.
Jon źviarnuŭ uvahu na toje, što Biełaruś užo dziasiatak hadoŭ znachodzicca pad zachodnimi sankcyjami. «Ale heta našy prablemy, i my ich za košt navat našaj brackaj Rasii vyrašać nikoli nie budziem», — padkreśliŭ biełaruski lidar.
Kamientary