Na Centralnaj płoščy horadu sabrałasia 300 čałaviek, zatrymali dzieviacioch.
Siońnia ŭ Salihorsku byŭ razahnany sacyjalny mitynh, što byŭ zładžany miascovymi hramadzkimi aktyvistami.
Jak paviedamiŭ "Našaj Nivie" hramadzki aktyvist Pavał Batujeŭ, mitynh staviŭ za metu vykazvańnie padtrymki indyvidualnym pradprymalnikam, pratestu suprać admieny lhotaŭ.
Na Centralnaj płoščy horadu sabrałasia kala 300 čałaviek. Užo praz 5 chvilin — mitynh pačaŭsia a 14-j — paśla pačatku akcyi płošča była ačeplena miascovaj milicyjaj, jakoj na dapamohu pryjechaŭ mienski specnaz.
Byli zatrymanyja dzieviać čałaviek: Uładzimier i Ivan Šyły, Andruś Tyčyna, Kryścina Samojłava, Alaksiej Vałabujeŭ, Źmicier Bańko, Anatol Mirašničenka, Ryhor Astapienia. Pensijanieru Hienadziu Kudzielku pry zatrymańni stała kiepska (serca), i jaho zabrała «chutkaja».
Zaraz zatrymanych trymajuć u pastarunku, dzie składajuć pratakoły za ŭdzieł u niesankcyjanavanaj akcyi.
Niepaŭnaletnich majuć adpuskać, što rabić z paŭnaletnimi, dumajuć.
Kamientary