Pałažeńnie ab hutarcy pry pastupleńni na peŭnyja specyjalnaści VNU atrymajuć na nastupnym tydni. Hutaryć z «kandydatami ŭ abituryjenty» pačnuć užo ŭ krasaviku. Vyniki hutarki buduć diejsnyja dla ŭsich biełaruskich VNU, tamu abituryjenty z «voŭčym biletam» zmohuć realizavać siabie tolki za miažoj.
Pałažeńnie ab hutarcy pry pastupleńni na peŭnyja specyjalnaści VNU atrymajuć na nastupnym tydni
Pałažeńnie ab praviadzieńni abaviazkovaj hutarki pry pastupleńni na peŭnyja śpiecyjalnaści VNU atrymajuć na nastupnym tydni. Ab hetym paviedamiŭ 27 lutaha žurnalistam pieršy namieśnik ministra adukacyi Alaksandar Žuk.
«Pastanova ciapier užo znachodzicca ŭ Miniuście na rehistracyi. Na nastupnym tydni jana budzie daviedziena da ŭsich VNU», — skazaŭ pieršy namieśnik ministra.
Pavodle słoŭ Alaksandra Žuka, paśla hetaha pačniecca rehistracyja kandydataŭ dla pastupleńnia na adpaviednyja specyjalnaści. U krasaviku budzie arhanizavana hutarka ŭ tych VNU, jakija rychtujuć specyjalistaŭ hetych prafesij.
«Što datyčycca hramadzian inšych dziaržaŭ, hety paradak na ich nie raspaŭsiudžvajecca», — udakładniŭ pieršy namieśnik ministra.
U pryvatnych VNU taksama budzie pravodzicca hutarka na tych fakultetach, dzie rychtujuć specyjalistaŭ adpaviednych prafiesij.
Alaksandar Žuk adznačyŭ, što hutarku možna prajści i ŭ VNU pa miescy žycharstva, a vyniki buduć prymacca va ŭsich VNU krainy.
Ciapier čytajuć
Jak rychtavaŭsia vizit Cichanoŭskaj u Kijeŭ i čamu jon niekalki razoŭ pieranosiŭsia11
Kamientary