Raskamnahlad pryhraziŭ unieści YouTube u rejestr parušalnikaŭ aŭtarskich pravoŭ z-za raźmieščanych na videachostynhu epizodaŭ telesieryjałaŭ «Fizruk» i «Čarnobyl», paviedamlajecca na sajcie viedamstva.
«Raskamnahlad papiaredžvaje rasijskich karystalnikaŭ, što 27 lipienia 2015 asobnyja pakazalniki staronak servisu YouTube buduć uklučanyja ŭ rejestr parušalnikaŭ aŭtarskich pravoŭ. Pa zakančeńni troch rabočych dzion u vypadku nievydaleńnia supraćzakonnaj infarmacyi dostup da hetych spasyłak budzie abmiežavany apieratarami suviazi», — havorycca ŭ paviedamleńni Roskomnadzora.
U paviedamleńni padkreślivajecca, što viedamstva ŭžo źviartałasia da YouTube z patrabavańniem vydalić zabaronieny kantent, adnak epizody telesieryjałaŭ znoŭ źjaŭlalisia na resursie.
Pravy na sieryjały naležać telekanału TNT, jaki raniej praz sud zapatrabavaŭ vydalić zapisy. Masharsud vynies rašeńnie na karyść TNT, paśla čaho YouTube vydaliŭ nielehalny kantent, adnak praź niekatory čas sieryjały znoŭ źjavilisia na videachostynhu.
Pa vynikach praviedzienaha 20 lipienia manitorynhu Raskamnahlad vyjaviŭ 137 spasyłak, dzie raźmiaščajucca epizody sieryjałaŭ «Fizruk» i «Čarnobyl».
Viedamstva taksama padkreślivaje, što praz abmiežavańnie dostupu da hetych spasyłak apieratarami suviazi dla abanientaŭ asobnych internet-pravajderaŭ moža być budzie abmiežavany dostup da ŭsiaho servisu YouTube.
Heta moža adbycca ŭ vypadku, kali adzin z pravajderaŭ nie zmoža zabłakavać kankretnuju spasyłku.
Kamientary