Parašenka pryznačyŭ kiraŭnikom Łuhanskaj vobłaści znanaha vałanciora
Prezident Ukrainy Piatro Parašenka padpisaŭ ukaz ab pryznačeńni Hieorhija Tuki staršynioj Łuhanskaj vobłaści.
Heta jon zrabiŭ u žyvym efiry ŭ Sievieradaniecku na naradzie.
«Ukaz budzie padpisany prosta zaraz, pry vašaj prysutnaści. Ja prymaju rašeńnie ab pryznačeńni Hieorhija Tuki staršynioj Łuhanskaj abładministracyi», — skazaŭ Parašenka i dadaŭ, što pakul jany razam lacieli z Kijeva, urad uchvaliŭ prapanovu na pryznačeńnie Tuki kiraŭnikom Łuhanskaj abładministracyi.
«Ja zrabiŭ vybar, i moj vybar, časam kažuć, vielmi ryzykoŭny, časam kažuć, što tak u sistemie niapravilna rabić, ale ja liču, što heta novaje pakaleńnie. Ja ŭpeŭnieny, što tabie nie padabajecca słova «palityka», ale heta novy vyhlad palityki, jakaja blizkaja da ludziej. Hieorhij, u ciabie jość poŭnaja padtrymka prezidenta», — adznačyŭ Parašenka.
Prezident taksama raspavioŭ, što siarod pretendentaŭ, akramia Tuki, byli biźniesmien i biurakrat.
«Ubačyŭšy, jak Hieorhij pracuje, tydzień tamu ja skazaŭ u intervju, što ŭ mianie jość try kandydaty. Heta byli były pradprymalnik, jaki maje dačynieńnie da Łuhanščyny, maje dačynieńnie da ekanomiki. Čynoŭnik, jaki maje dačynieńnie da sistemy dziaržaŭnaha kiravańnia, i Hieorhij», — skazaŭ Parašenka.
«Ja pahavaryŭ z pradprymalnikam. Jon kaža: «Kali b u mirny čas — z zadavalnieńniem, ale ŭ mianie čaćviora dziaciej. Jeździć mnie na liniju sutyknieńnia, pad kuli — davajcie ŭ Sievieradaniecku siadzieć». Nie, druža! Viadoma, vobraz Hienadzia Maskala padniaŭ vielmi vysokuju płanku», — skazaŭ Parašenka.
«Čynoŭnik skazaŭ, što… što moža skazać biurakrat? I tolki Hieorhij skazaŭ, što jaho miesca na piarednim krai, z tymi, chto tam žyvie, pakutuje, kab jany adčuli, što pra ich kłapociacca», — skazaŭ Parašenka.
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary