U Biełarusi stvarajecca nacyjanalny harant pa vypłacie mytnych pošlin. Heta praduhledžana ŭkazam № 325 «Ab nacyjanalnym harancie zabieśpiačeńnia vypłaty mytnych pošlin, padatkaŭ», jaki Alaksandr Łukašenka padpisaŭ 17 lipienia.
Jak paviedamlaje pres-słužba prezidenta, praduhledžvajecca raźvićcio sistemy paručycielstva jak sposabu zabieśpiačeńnia vypłaty mytnych pošlin, padatkaŭ na mytnaj terytoryi Jeŭrazijskaha ekanamičnaha sajuza šlacham stvareńnia ŭ Biełarusi instytuta nacyjanalnaha haranta. Nacyjanalnym harantam moža być va ŭstanoŭlenym paradku pryznanaja lubaja jurydyčnaja asoba, jakaja źjaŭlajecca paručycielem pierad mytnymi orhanami i adpaviadaje kryteryjam, što ŭstanoŭlenyja hetym ukazam.
Nacyjanalny harant budzie brać udzieł u funkcyjanavańni stvaranaj na mytnaj terytoryi JEAES adzinaj harantyjnaj sistemy zabieśpiačeńnia vypłaty mytnych pošlin i padatkaŭ.
Udakładniajecca, što stvareńnie nacyjanalnaha haranta nie vyklučaje prymianieńnie i raźvićcio va ŭmovach svabodnaj kankurencyi ŭsich isnujučych u JEAES sposabaŭ zabieśpiačeńnia vypłaty mytnych pošlin, padatkaŭ, u tym liku vyznačanych Mytnaj kanviencyjaj AAN ad 14 listapada 1975 hoda «Ab mižnarodnaj pieravozcy hruzaŭ z prymianieńniem knižki mižnarodnych darožnych pieravozak».
Ciapier čytajuć
Vyzvaleny palitviazień Mikita Jemialjanaŭ, jakoha aryštavali jašče ŭ 2019 hodzie, 19‑hadovym7
Vyzvaleny palitviazień Mikita Jemialjanaŭ, jakoha aryštavali jašče ŭ 2019 hodzie, 19‑hadovym
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary