«Niama nijakaha inšaha vyrašeńnia ŭkrainskaj prablemy, akramia jak mahčymaści vyrašyć jaje mirnym šlacham i praz poŭnaje, biezumoŭnaje vykanańnie damoŭlenaściej, dasiahnutych u Minsku», — zajaviŭ prezident Rasii Uładzimir Pucin 10 lipienia va Ufie na pres-kanfierencyi pa vynikach samitaŭ BRIKS i ŠAS.
«Mnie sapraŭdy zdajecca, što ŭ viadomaj stupieni ŭrehulavańnie prabuksoŭvaje z-za taho, što ŭ našych partnioraŭ u Kijevie niama žadańnia vieści pramyja pieramovy z Danbasam — z Łuhanskam i Danieckam», — skazaŭ Pucin, słovy jakoha pryvodzić pres-słužba Kramla.
Na dumku rasijskaha kiraŭnika, heta vyhladaje «krychu dziŭna», tamu što «mienavita partniory z Kijeva nastojvali na tym, kab u Minsku źjavilisia pieršyja asoby danieckaj i łuhanskaj niepryznanych respublik, kab mienavita jany padpisvali hetyja dakumienty».
«Jany pryjechali i padpisali, abjavili ab tym, što hatovy vykonvać, a ciapier my bačym, što ź imi nie chočuć naŭprost znosicca. Navošta tady prasili, kab jany pryjechali i padpisvali dakumienty? Heta, sama mieniej, dziŭna. Budziem zychodzić z taho, što heta ŭsio-taki taktyčny chod. Ja schilny chutčej ličyć, što ŭ nas bolš šansaŭ na pośpiech, čym na pravał», — zajaviŭ Pucin.
Ciapier čytajuć
Dla kaho sabralisia budavać vielizarny vantavy most u Minsku?3
Kamientary