U staražytnych malunkach na kamianiach daśledčyk paznaŭ kitajskija ijerohlify.
Siońnia ličycca, što sučasnym jeŭrapiejcam Amieryka stała viadomaja dziakujučy Chrystaforu Kałumbu. Isnujuć i teoryi pra adkryćcio Amieryki vikinhami za paŭtysiačy hod da Kałumba. Amierykanski daśledčyk Džon Raskemp śćviardžaje, što kitajcy byli ŭ Amierycy 3,3 tysiačy hod tamu i pakinuli vyraznyja ślady, piša Daily Mail.
Raskemp znajšoŭ u Ńju-Mieksika, Kalifornii, Akłachomie, Aryzonie, Nievadzie i Jucie malunki, u jakich raspaznaŭ staražytnakitajskija ijerohlify. Nadpisy, kaža jon, zroblenyja ŭ 2800-1300 hh da n.e.
Raskemp — były chimik i amatar epihrafiki, dyscypliny, što vyvučaje nadpisy na kamianiach. Chacia jon nie jość prafiesijnym navukoŭcam, jaho daśledavańnie (PDF) razhladajecca da publikacyi ŭ navukovym časopisie, jaho padtrymlivajuć niekatoryja prafiesijnyja navukoŭcy.
Pavodle teoryi Raskempa, abranyja im 84 malunki na kamianiach jość nadpisami časoŭ padzieńnia dynastyi Šan (cziahuveń, ijerahlifičnyja nadpisy na kostkach, zabytyja paśla 1000 h da n.e. i adkrytyja ŭ 1899 hodzie) i paźniejšych časoŭ. U ich jon rasšyfravaŭ rytualnyja teksty i «natatki», što adpaviadajuć pa sensie času i miascovaści, napisanyja pa tahačasnych kitajskich praviłach.
Adzin z tekstaŭ u rasšyfroŭcy Raskempa, naprykład, kaža: «Padzielenyja na 10 hod, abiacaŭ viarnucca, padarožža zavieršanaje ŭ dom Sonca, padarožža zavieršanaje razam».
Daśledčyk miarkuje, što kitajcy naviedvali Amieryku ŭ miežach ekśpiedycyj, ale naŭrad ci ŭtvarali pasieliščy, pra što na jaho dumku kažuć i niekatoryja nadpisy.
Taksama jon zhadvaje padabienstva ŭ DNK miž amierykanskimi indejcami i azijatami, što mahło nie tolki zastacca z časoŭ pierasialeńnia čałavieka z Azii ŭ Amieryku dziasiatki tysiač hod tamu, ale i ad bolš sučasnych «haściej».
Akramia nadpisaŭ, identyfikavanych Raskempam jak staražytnakitajskija, inšych choć krychu padobnych da praŭdy śviedčańniaŭ prybyvańnia kitajcaŭ u Amierycy try tysiačy hod tamu nie znojdziena.
Ciapier čytajuć
U pačatku 2000‑ch troje nastaŭnikaŭ historyi źbiehli va Ukrainu ad «hienacydu biełaruskaha naroda», jaki čyniŭ režym Łukašenki. Jak skłaŭsia ich los?1818
Kamientary