Hreki žyli dobra. Ale niadoŭha. Što pryviało Hrecyju da bankructva? Tłumačym na palcach
U Hrecyi časoŭ Jeŭrasajuza stvaryli sistemu, pry jakoj ludzi masava pracujuć na błatnych dziaržaŭnych pasadach, dzie ničoha nie treba rabić. Pry hetym piensijny ŭzrost tam taksama na 5—15 hadoŭ nižejšy za, dapuścim, hiermanski. Mnohija vychodzili na piensiju ŭ 50 ci 55 hadoŭ. A sacyjalnyja dapamohi vysokija i nichto nie praviaraje ich abhruntavanaść. U vyniku mnohija «ślapyja» ŭ Hrecyi adnačasova atrymlivali ad dziaržavy dapamohu pa invalidnaści i… pracavali kiroŭcami taksi.
Spačatku hety «sacyjalny kantrakt» finansavaŭsia z subsidyj Jeŭrasajuza. ES na mnohaje zapluščvaŭ vočy, bo Hrecyja była niepataplalnym avijanoscam na miažy savieckaha błoka, a paśla — abjektam cikavaści Rasii.
Kali pieršapačatkovyja datacyi ES dla vyraŭnoŭvańnia ŭzroŭniu raźvićcia skončylisia, Hrecyja akurat ustupiła ŭ jeŭrazonu i pačała chapać tannyja — dla krain zony jeŭra najbolšy davier — kredyty.
Kredytaŭ nabrałasia pad zaviazku, tady pa čarzie sacyjalistyčny i kansiervatyŭny ŭrady stali falšavać statystyku, kab brać novyja. Urešcie, kali hrymnuŭ suśvietny finansavy kryzis, dzie koratka, tam i parvałasia.
Hreki žyli dobra. Ale niadoŭha.
Kamientary