Rasija na vučeńniach adpracavała zachop Danii, Narviehii, Šviecyi i Finlandyi

Rasija ŭ chodzie maštabnych sakavickich vučeńniaŭ na paŭnočnym zachadzie krainy adpracavała zachop rajonaŭ Danii, Narviehii, Šviecyi i Finlandyi, śćviardžaje ekśpiert Centra jeŭrapiejskaha palityčnaha analizu (Center for European Policy Analysis, CEPA) Edvard Łukas ŭ svaim dakładzie »Štorm idzie».

Pavialičyć

Łukas, viadomy ŭ tym liku jak aŭtar knihi «Novaja chałodnaja vajna: Jak Kreml pahražaje Rasii i Zachadu», śćviardžaje ŭ svaim dakładzie, što rasijskija vojski adpracoŭvali zadačy pa kantroli nad kankretnymi rehijonami: prynaležnymi Finlandyi Ałandskimi astravami, šviedskim vostravam Hotłand, dackim Bornchalmam, a taksama poŭnačču Narviehii.

U aficyjnych paviedamleńniach dla ŚMI Minabarony nie davała ukazańniaŭ nakont taho, suprać jakoha «ŭmoŭnaha praciŭnika» vajujuć złučeńni. U chodzie Stratehičnaj kamandna-štabnoj treniroŭki była zadziejničana avijacyja i fłot, padraździaleńni Ivanaŭskaha złučeńnia Pavietrana-desantnych vojskaŭ byli pierakinutyja ŭ Zapalarje, a pskoŭskija desantniki ustupali ŭ boj z praciŭnikam na nieznajomaj placoŭcy paśla desantavańnia. «Padraździaleńni śpiecyjalnaj raźviedki, jakija ažyćciavili vysadku parašutnym sposabam z zachopam płacdarma dla raźvićcia nastupleńnia asnoŭnych sił, ździejśnili marš u tył błakiravanych padraździaleńniaŭ umoŭnaha praciŭnika. Padčas praviadzieńnia adnačasovaj pierahrupoŭki vojskaŭ z učynieńniem maršaŭ i pieradysłakacyjaj padraździaleńniaŭ VDV udzielničała zvyš 2000 desantnikaŭ Pskoŭskaha złučeńnia VDV, bolš za 120 adzinak bajavoj techniki, da 10 samalotaŭ Vajenna-transpartnaj avijacyi», — apisvaŭ hety manieŭr sajt Minabarony.

Pavodle dadzienych Łukasa, usiaho ŭ vučeńniach udzielničali kala 33000 vajennasłužačych. Hetak maštabnaja raptoŭnaja pravierka vyklikała niepakoj ŭ kiraŭnictvie NATA. Hienieralny sakratar aljansu Jens Stołtenbierh nazvaŭ manieŭry pahrozaj suśvietnaj stabilnaści i paskardziŭsia, što jany pravodziacca «biez papiaredžańnia».

Łukas pakazvaje, što realizacyja takoha scenaru zdolnaja za ličanyja hadziny razburyć rename NATA jak samaha paśpiachovaha vajennaha sajuza ŭ historyi, a taksama skinuć ZŠA z pastamienta haranta stabilnaści ŭ Jeŭropie.

Dackaje anhłamoŭnaje vydańnie Local taksama sa spasyłkaj na dakład Łukasa paviedamlaje, što ŭ červieni 2014 rasijskija samaloty prademanstravali ataku na Bornchalm ŭ momant, kali tam prachodziŭ štohadovy palityčny fiestyval Folkemødet.

Ekśpiert taksama źviartaje ŭvahu na raźjadnanaść krain poŭnačy Jeŭropy, jakija nie vystupajuć adzinym błokam: chtości źjaŭlajecca siabram NATA, chtości — nie, niekatoryja krainy rehijonu ŭvachodziać u Jeŭrasajuz, a inšyja addajuć pieravahu aŭtanomii. Jon zaklikaje aktyvizavać uzajemadziejańnie ŭ śfiery biaśpieki.

Adznačym, što 20 sakavika rasiejski pasoł u Danii Michaił Vanin vielmi rezka prakamientavaŭ mahčymaje dałučeńnie Kapienhahiena da sistemy supraćrakietnaj abarony (PRA) NATA. Jon zajaviŭ, što heta budzie ŭspryniata Maskvoj jak pahroza, a «dackija vajennyja karabli stanuć mišeńniu dla rasijskich jadziernych rakiet».

Paśla šumichi, što padniałasia ŭ ŚMI, namieśnik ministra abarony Rasii Anatol Antonaŭ zajaviŭ, što Maskva vajavać nie choča i pahrozy nikomu nie ŭjaŭlaje. Jon zaklikaŭ nie rabić z Rasii «monstra, jaki pahražaje suśvietnaj biaśpiecy».

• 0
• 0
• 0
• 0
• 0
• 0
• 0
• 0