Demanstranty ŭ Jerevanie vystavili pierad kardonam palicyi vianok z nadpisam «Rabaŭnikam ad imia naroda Armienii»
Udzielniki akcyi suprać padaražeńnia elektraenierhii vystavili pierad palicejskim kardonam na jerevanskim praśpiekcie Bahramiana pachavalny vianok z nadpisam «Rabaŭnikam ad imia naroda Armienii».
U ciapierašni čas u centry Jerevana pieryjadyčna idzie livień, dźmie mocny viecier, adnak drennaje nadvorje nie pachisnuła rašučaść udzielnikaŭ demanstracyi zastavacca na praśpiekcie.
Pradstaŭniki hramadzianskaha ruchu «Nie rabunku» z 19-ha červienia pravodziać u Jerevanie mitynhi suprać padvyšeńnia taryfaŭ na elektraenierhiju. Ranicaj 23-ha červienia palicyjanty z užyvańniem vadamiotaŭ na praśpiekcie Bahramiana razahnali mirnuju demanstracyju, jakaja nakiroŭvałasia da administracyi prezidenta krainy, u vyniku čaho paciarpieli 25 čałaviek.
Maštabnaja akcyja adnaviłasia ŭ toj ža dzień uviečary, mitynhi nosiać vyklučna mirny charaktar. U ciapierašni čas praśpiekt Bahramiana praciahvaje zastavacca zabłakavanym jak z boku demanstrantaŭ, tak i palicejskaha kardona.
Kamientary