Ułady Smalensku prapanavali arhkamitetu festyvalu «Rok‑Koła» zładzić mierapryjemstva ŭ ich horadzie i navat prapanavali na čas festyvalu abvieścić Smalensk stalicaj Biełarusi.
Na pačatku sakavika kiraŭnik «Rok‑Koła» Siarhiej Aniščanka maje sustrecca z dyrektaram samaj bujnoj kancertnaj zali Smalensku Arturam Savickim i meram horadu Uładzisłavam Chaleckim.
1 sakavika dyrektar połackaha rok‑fiestyvalu «Rok‑Koła» Siarhiej Aniščanka viazie hurt «Flaŭs i Klajn» na smalenski fiestyval «Rok‑prajekcyja». Biełaruski hurt byŭ zaprošany na fiestyval z 14‑hadovaj historyjaj u jakaści hościa. Razam z tym sam spadar Siarhiej maje abmierkavać budučyniu svajho fiestyvalu, na praviadzieńnie jakoha połackija ŭłady nakłali zabaronu.
Nahadajem, što ŭ admysłovaj pastanovie, padpisanaj meram Połacku Uładzimiram Tačyłam, viałosia pra «niametazhodnaść praviadzieńnia ŭ horadzie fiestyvalu typa «Rok‑Koła», bo jon nie adpaviadaje histaryčnaj, duchoŭnaj spadčynie horada Połacka i pravasłaŭju». Ułady Smalensku, vidać, sa svaimi biełaruskimi kalehami ŭ hetym pytańni razychodziacca. Kaža Siarhiej Aniščanka:
‑ Z smalenskaha boku pastupiła takaja prapanova, kab u nastupnym hodzie 1 lutaha pravieści «Rok‑Koła» ŭ ich i abvieścić na hety dzień Smalensk stalicaj Biełarusi. Heta vielmi dobra, tym bolš, što hety horad ad nas zusim niedaloka. Kali ad Połacku da Viciebsku — 100 kiłamietraŭ, to da Smalensku — 120, a ź Minsku dyk štodnia ciahniki tudy chodziać.
Kali ŭsie baki damoviacca kančatkova, to «Rok‑Koła» ŭ nastupnym hodzie projdzie ŭ samaj vialikaj kancertnaj zali Smalensku. Jakraz u paniadziełak kiraŭnictva połackaha rok‑festu atrymała jašče adnu pryjemnuju navinu adnosna losu sioletniaha festu. U hetym hodzie «Rok‑Koła» ŭsio ž zastaniecca ŭ miežach Biełarusi i projdzie ŭletku ŭ Łahojsk.
Ciapier čytajuć
«Šmatpartyjnaść, pluralizm mierkavańniaŭ — heta brachnia, zachodniaja brachnia». Łukašenka razhladaje kanstytucyjnaje viartańnie da savieckaj sistemy79
«Šmatpartyjnaść, pluralizm mierkavańniaŭ — heta brachnia, zachodniaja brachnia». Łukašenka razhladaje kanstytucyjnaje viartańnie da savieckaj sistemy
«Dziaŭčyna niedzie praź siem siekund užo pikiravała bieź piłota». Siabar deltapłanierysta, jaki raźbiŭsia ŭ Stročycach, raskazaŭ, što pryviało da trahiedyi44
Kamientary