U Łas-Viehasie zaviaršyŭsia boj byłoha čempijona UFC u ciažkaj vazie Andreja Arłoŭskaha i Trevisa Braŭna. Bajcy ź pieršych chvilin vielmi aktyŭna pačali abmieńvacca ŭdarami ŭ stojcy. Andreju ŭdałosia niekalki razoŭ patreści supiernika ŭdarami rukami, ale Trevis praciahvaŭ akazvać supraciŭ. Bližej da kanca raŭnda Arłoŭski znoŭ uzrušyŭ supiernika, ale padčas dabivańnia sam prapuściŭ ciažki ŭdar i apynuŭsia na padłozie. Tym nie mienš, Andrej zdoleŭ adnavicca i praciahnuŭ atakavać supiernika, nakaŭtavaŭšy taho sieryjaj udaraŭ rukami.
Dla Arłoŭskaha hetaja pieramoha stała 13-j u UFC pry čatyroch parazach. Ciapier biełarus jašče bližej nabliziŭsia da svajoj hałoŭnaj mety — viartańnia pojasa čempijona UFC. Braŭn byŭ trecim numaram u dyvizijonie — vyšej jaho tolki ŭładalnik tytuła Kiejn Viełaskies, Fabrys Vierduma i Žunijor dos Santas.
Kamientary