U Dzień śviatoha Valancina «Stary Olsa» padoryć zakachanym «Połacki sšytak».
Napiaredadni zamiežnych hastrolaŭ i fiestyvalnych pajezdak adzin z najbolš papularnych hurtoŭ siaredniaviečnaj muzyki «Stary Olsa» daść u staličnym Pałacy prafsajuzaŭ solny kancert. Adbudziecca heta akurat u Dzień sv. Valancina, 14 lutaha.
U prahramu buduć uklučany mnohija tancy sa słavutaha «Połackaha sšytka» — notnaha rukapisu ChVII stahodździa. Pryčym vybar hety muzykanty zrabili naŭmysna — nie tak daŭno faktyčny adkryvalnik rukapisu, biełaruski prafiesar Adam Maldzis, adznačyŭ svajo 75‑hodździe.
Akramia taho, na kancercie ŭpieršyniu prahučać niekalki tvoraŭ, jakija buduć uklučany ŭ čarhovy albom «Staroha Olsy» (zapis dysku pačniecca praź miesiac). Heta tancy i lutnievyja tvory biełaruskich i zachodniejeŭrapiejskich aŭtaraŭ ChV—ChVII stahodździaŭ. Darečy, tancavalnuju padtrymku viečara zabiaśpiečyć — i pakaža hledačam aŭtentyčnyja admietnyja pa — teatr siaredniaviečnych minijaciur «Javaryna».
Ciapier čytajuć
«Miesiacami ŭ kabinie, na siabie zabiŭ. I staŭ pytać: moža, žonka taksama budzie pracavać?». Čamu emihracyja raźbivaje siemji i što rabić, kab usio papravić4040
Kamientary